Лидерот на „Реформирај ја Велика Британија“, Најџел Фараж, во интервју за лондонското радио LBC тврди дека источноевропските мигранти, особено Романците, ловат лебеди од лондонските кралски паркови и крап од езерата низ целата земја за да ги јадат.
Управата за паркови веднаш го негираше тврдењето.
Најџел Фараж е критикуван за ширење дезинформации и „диви теории на заговор“ откако ги обвини источноевропејците дека јадат лебеди во парковите во неговиот последен напад врз мигрантите што живеат во Велика Британија.
Фараж го изјави ова откако беше прашан за тврдењето на американскиот претседател Доналд Трамп минатата година дека мигранти од Хаити во САД јаделе мачки и кучиња.
Добротворната организација „Ројал Паркс“ брзо ги отфрли тврдењата на Фараж:
„Немаме извештаи за инциденти на луѓе што убиваат или јадат лебеди во осумте кралски паркови во Лондон“.
Владејачката Лабуристичка партија рече дека најновиот испад на „реформскиот“ лидер е уште еден пример зошто не треба да му се верува.