Свет

Поранешниот Унгарски премиер се враќа во политичка борба и најави национален отпор

„Крај на трпението, крај на коректниот однос“ – порака до новата влада

Поранешниот унгарски премиер Виктор Орбан најави враќање во политичката борба и остар отпор кон новата влада предводена од Петер Маѓар, неколку месеци по изборниот пораз на неговата партија Фидес.

„Вака повеќе не може. Дојде време за национален отпор. Крај на трпението, крај на коректниот однос, крај на сите еднострани гестови“, изјави Орбан.

Со оваа најава тој јасно порача дека изборниот пораз нема да означи крај на неговото политичко дејствување. Сега останува отворено прашањето дали Фидес ќе успее повторно да ја консолидира поддршката меѓу унгарските избирачи и да се врати како водечка политичка сила.

На парламентарните избори во април, Фидес беше поразен од проевропската партија „Тиса“ на Петер Маѓар, која освои доволно пратенички места за двотретинско мнозинство. Новата влада веќе започна со спроведување реформи насочени кон промени во институциите и борба против корупцијата, како и со преориентирање на државната политика кон поблиска соработка со Европската Унија.

Во рамките на најавените промени, властите планираат да укинат дел од контроверзните законски одредби донесени за време на владеењето на Орбан, меѓу кои и регулативи поврзани со правата на истополовите двојки.

Изјавата на Орбан беше широко споделувана на социјалните мрежи, каде што поранешниот премиер повторно се позиционираше како остар критичар на новата унгарска влада.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top