Свет

Путин нареди нова мобилизација(ВИДЕО)

Рускиот претседател Владимир Путин нареди зголемување на бројот на редовната руска армија на 1,5 милиона активни војници, со што Руската Федерација би имала втората по големина армија во светот, веднаш по Кина

2 минути за читање

Рускиот претседател Владимир Путин нареди зголемување на бројот на редовната руска армија на 1,5 милиона активни војници, со што Руската Федерација би имала втората по големина армија во светот, веднаш по Кина. Оваа одлука, според британските медиуми, следува по зголемените напади на украински беспилотни летала врз клучни руски рафинерии и гасоводи длабоко на територијата на Русија.

Високи руски воени претставници изјавија дека планираат да ангажираат резервисти за заштита на цивилната инфраструктура, како што се рафинериите за нафта. По состанокот со врвните воени лидери, Путин ја потврдил наредбата за зголемување на редовната армија. Тој истакнал дека во Украина моментално се борат најмалку 700.000 руски војници, додека руските парламентарци наведуваат дека во активна резерва има околу два милиона лица. Овие резервисти, кои потпишале договори за резерва, често го правеле тоа поради финансиски надомест, а не заради активна служба.

Рускиот вицеадмирал Владимир Цимљански, заменик-началник на главниот организациски и мобилизациски оддел на Генералштабот на руската армија, изјавил: „Со цел да се зголеми безбедноста на критичните објекти и другите објекти важни за благосостојбата на граѓаните, беше одлучено да се вклучат најобучените и најпатриотски настроени граѓани во спроведувањето на мерките за заштита на цивилните објекти длабоко во Русија.“

Британските медиуми анализираат дека ангажирањето на резервисти за одбрана на инфраструктурата би можело да овозможи Москва да ослободи повеќе редовни војници за фронтот во Украина, каде што конфликтот прераснува во војна на исцрпување. Цимљански нагласил дека овие измени не претставуваат мобилизација, но на руските канали на Телеграм одлуката се толкува токму како таква – масовна мобилизација.

Руското Министерство за одбрана соопшти дека резервистите нема да учествуваат во „специјалната воена операција“ во Украина, ниту да бидат распоредени надвор од Русија, туку ќе служат во своите региони.

Поврзани теми:

Украина|избор|Русија|мобилизација|Владимир Путин

Повеќе на оваа тема:

Најнови вести од: Свет

Тајландски функционер убиен во неговата канцеларија од поранешен пратеник

Вооружен човек уби тајландски функционер во канцеларија на локалната самоуправа на периферијата на главниот град Бангкок во понеделникот, соопштија властите, неколку дена откако пукањето во училиште во истата покраина повторно ја разгоре дебатата за контрола на оружјето.

Дали британскиот премиер ќе поддржи создавање „Европска конфедерација“ што би ја вклучила и Македонија?!

Британскиот премиер Енди Бернам доби предлог од поранешен член на Конзервативната партија во оваа земја, за создавање „Европска конфедерација“ во која би била вклучена и Македонија.

Најголемата канадска провиција сака да е „отцепи“ и да стане дел од САД

Баба на четири деца, вели дека се приклучила на движењето за да ги заштити своите внуци од глобалните елити и нивниот наводен план за „нов светски поредок“. Таа не му верува на канадскиот премиер Марк Карни, но му верува на Доналд Трамп

САД и Кина во трка за освојување на јужниот пол на Месечината

Ривалството меѓу САД и Кина се префрла во вселената, каде што двете сили ја засилуваат трката за освојување на јужниот пол на Месечината и за воспоставување трајно човечко присуство надвор од Земјата.
Сите вести од Свет

Најнови вести

To top