Свет

Убиен е еден од најпознатите противници на Путин под неразјаснети околности, Кремљ молчи

Еден од најпознатите и најрадикални противници на рускиот претседател Владимир Путин е убиен под неразјаснети околности на фронтот во Украина

Еден од најпознатите и најрадикални противници на рускиот претседател Владимир Путин е убиен под неразјаснети околности на фронтот во Украина. Станува збор за човек која отворено повикуваше на уривање на режимот во Москва и активно учествуваше во борбите против руските сили. Веста предизвика бран реакции на социјалните мрежи, додека официјална потврда од Кремљ засега нема, што дополнително ги засилува шпекулациите.

„Вечерва, на Запорошката страна на фронтот, додека извршуваше борбена мисија, нашиот командант, Денис „ВајтРекс“ Капустин, загина херојски. Според прелиминарните информации, станува збор за беспилотно летало ФПВ“, се наведува во пораката, пренесува Укринформ.

Според руската Федерална служба за безбедност, Капустин, руски државјанин, познат и како Сергеј Никитин, се борел на страната на украинските вооружени сили.

Во 2022 година, тој организираше обид за дигање во воздух енергетска централа во рускиот Волгоградски регион, а во 2023 година организираше напад во Брјанскиот регион и беше спречен обид за атентат врз рускиот бизнисмен Константин Малофеев, основач на групацијата компании „Царград“, пренесува РИА Новости.

Во Русија, лидерот на РДЦ беше осуден на доживотен затвор во отсуство.

Капустин е роден во Москва, на 17-годишна возраст се преселил со своите родители во Келн, каде што стекнал репутација на скинхед и бил познат во круговите на европските фудбалски хулигани.

Германските власти му ја одзедоа визата за престој во 2019 година и му воведоа забрана за Шенген поради „дејствување против либерално-демократскиот устав“.

Според германската разузнавачка служба БНД, Капустин, познат и како Денис Никитин, „бил еден од највлијателните неонацистички активисти“ во Европа, објави Политико.

Тој претходно изјави за бриселскиот портал дека „пред сè е руски националист“ и затоа се бори за Украина затоа што „руските националисти треба да бидат против Путин“.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top