Министерот за надворешни работи на Полска, Радослав Сикорски изјави дека Украина е подготвена да се бори уште три години, но рускиот претседател Владимир Путин нема да може да издржи толку долго, објавија медиуми
„Украина се подготвува за уште три години војна, а ваквите колонијални војни обично траат околу десет години. Не мислам дека Путин може да издржи уште три години“, рече тој.
Според него, Путин не се покажал добро.
„Мислевме дека ја има втората најголема армија во светот, а тој мислеше дека тоа ќе биде лесна работа, тридневна операција. Поминаа повеќе од 10 години, а тој сè уште се бори во Донбас. Не би го нарекол тоа победа“, рече Сикорски.
Тој, исто така, ја повика Европската Унија (ЕУ) да игра поактивна улога во преговорите за иден мировен договор и додаде:
„Се надевам дека САД ќе продолжат да ѝ обезбедуваат на Украина разузнавачки информации. Секако, Полска плаќа за терминалите на Старлинк, а важна е и муницијата за американското оружје дизајнирано за воздушна одбрана и напади со долг дострел.“