Свет

Украина уништила повеќе од половина од руските капацитети за преработка на нафта

Губењето на 51 отсто од капацитетите за преработка на нафта ѝ нанесува сериозен удар на економијата на Русија

 

Украинските операции со голем дострел онеспособија повеќе од 51 отсто од руските капацитети за преработка на нафта, соопшти Министерството за одбрана на Украина. Претставникот на одбраната, Јевгениј Хмара, изјави дека оваа проценка се заснова на податоци од разузнавачките служби и аналитичарите на Генералштабот.

„Разузнавачите и аналитичарите од Генералштабот и Министерството за одбрана го проценија влијанието на неодамнешните напади со голем дострел изведени од одбранбените сили. Повеќе од половина од капацитетите на непријателот се исфрлени од функција. Ова е резултат на внимателно планирани, систематски и доследни дејства насочени кон исцрпување на руската воена машина и уништување на нејзиниот воен и економски потенцијал“, рече Хмара.

Официјалниот претставник истакна дека меѓу објектите погодени во последно време спаѓаат рафинерии за нафта во Москва, Јарослављ, Кинеф, Уст-Луга, Перм, Илски, Саратов, Сизрањ и други локации.

„Губењето на 51 отсто од капацитетите за преработка на нафта му нанесува сериозен удар на економијата на непријателот, на неговата способност да води агресија и на снабдувањето на неговите воени единици. Нашите операции за напади длабоко во непријателската територија продолжуваат да ја пренесуваат војната на руска територија“, додаде тој.

Хмара нагласи дека напаѓачките дронови со голем дострел се приоритет за Министерството за одбрана, бидејќи овозможуваат напади врз цели длабоко во внатрешноста на Русија.

„Оваа година го утрочивме производството и набавката. Тоа не е крајната граница. Ќе продолжиме да ги зголемуваме нашите капацитети за напади со голем дострел“, се наведува во соопштението на Министерството.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top