Свет

Зеленски најави нови напади на територијата на Русија

Зеленски нагласи дека Украина располага со неопходни средства и инфраструктура за продолжување на офанзивните операции

Украинскиот претседател Володимир Зеленски изјави дека Киев подготвува планови за нови напади на територијата на Руската Федерација. Неговите зборови ги пренесе Телеграм каналот на украинскиот весник „Страна.уа“, повикувајќи се на обраќањето на шефот на државата по тестирање нови домашни ракети.

Зеленски нагласи дека Украина располага со неопходни средства и инфраструктура за продолжување на офанзивните операции.

– Сите сили и ресурси се подготвени, се планираат нови дипломатски и воени напади, порача тој по состанокот со врховниот командант на вооружените сили на Украина (ВСУ), Александар Сирски.

Оваа најава доаѓа во време кога Киев интензивно работи на развој на домашната ракетна технологија, како и на обезбедување дополнителна воена и финансиска помош од западните сојузници. Украинските функционери сè почесто истакнуваат дека проширувањето на арсеналот е клучно за да се „врати војната во Русија“ и на тој начин да се зајакне преговарачката позиција на Киев.

Најнови вести од: Свет

330 месеци затвор за планиран атентат врз Трамп

За време на судењето, осудениот тврдеше дека „немал друг избор“ освен да ги изврши наредбите, бидејќи лицето кое му давало упатства јасно ставило до знаење дека знае кои се членовите на неговото семејство во Иран и каде се наоѓаат

НАТО и Пентагон разговараат за можното повлекување на американските војници од Европа

Би можело да дојде до намалување на бројот од 80.000 американски војници кои моментално се стационирани на европскиот континент, а целта е да се поттикне Европа да преземе поголем ангажман, овозможувајќи ѝ на американската војска да се фокусира на своите глобални обврски.

Јапонските средношколци што учат македонски јазик во Токио добија вежбанки и книги

Учениците од здружението добиле работни тетратки за вежбање на македонскиот јазик, материјали од „Бушава азбука“, Македонски бајки, како и традиционални омијаге (сувенири) во вид на македонски чоколади и слатки, соопшти Јапонската амбасада

To top