Во завршни зборови пред судот обвинителката Вилма Рускоска побара на обвинетите за насилставата во Собранието на 27 април 2017 година да им се изречат казни за делото терористичко загрозување на уставниот поредок на државата.

За ова кривично дело, според законот, е предвидена минимална затворска казна од 10 години.

16 те обвинети за кои е побарана ваква казна се: Митко Чавков, Митко Пешов, Душко Лазаров, Горан Ѓошевски Леви, Оливер Поповски, Оливер Радулов, Мунир Пепиќ, Абдулфета Аљими, Игор Дурловски, Младен Додевски, Јане Ченто, Горанче Ангеловски Ќосето, Игор Југ, Влатко Трајковски, Вилијам Михајловски, Никола Митровски Кољо и Александар Василевски Нинџа.

„Обвинителството докажа дека на 27 април е извршен организиран насилен напад врз една од најважните оте институции. Докажа дека тоа не беше спонтан упад и зовриени емоции. Обвинитеството докажа дека ова беше организиран и со умисла напад.

Доказите потврдија дека преземените дејствија се поврзани и последователни со цел да се загрози уставниот поредок. Докажа дека ова обвинение не е политички реваншизам, туку акт за докажување на делото и запазување на правото“, изјави Рускоска, пренесува НОВА ТВ.