Македонија

Според Ташев од БАН, Мисирков не бил гениј, туку национален предавник

Историчарот и демограф се повикува на Ванчо Михајлов, кој го видел „предавството“ на Македонецот на 20. век

Спас Ташев од Институтот за истражување на населението и на човекот при Бугарската академија на наките (БАН) нема високо мислење за Македонецот на 20. век Крсте Петков Мисирков.

„Според некои мои пријатели, Крсте Мисирков бил гениј бидејќи сфатил дека геополитичката ситуација нема да дозволи Македонија да се обедини со Бугарија и затоа го промовирал македонизмот.

Всушност, изјавата за геополитичката ситуација не е точна. Бугарија добила предлози од големите сили. Бугарската грешка била што војската ја одредувала надворешната политика.

И зошто морале да брзаат да ја обединат Македонија со Бугарија по секоја цена? Бугарската егзархија била многу повеќе во право, обложувајќи се на еволутивниот пат заснован на континуираниот раст на бугарското културно и просветно дело во Македонија!

Но, Крсте Мисирков не е гениј, туку национален предавник, бидејќи неговата идеја не ја спасува трансформираната бугарштина. Праксата покажува дека македонистичката Македонија, дури и од демографска гледна точка, е осудена на пропаст; не може долго да постои во оваа форма. На запад се појавува геополитичка консолидација од 6-7 милиони Албанци, на која 1 милион Македонци не можат да одолеат. Решението е да се стремиме да постигнеме геополитичка рамнотежа по балканскиот хоризонт преку консолидација во нејговиот источен дел, консолидација помеѓу Бугарија и поголемиот дел од Северна Македонија. Ова не е антиалбанска идеја, туку создавање нова перспектива за Централниот Балкан и нивниот траен мир.

Ова им пречи на Србите и токму затоа тие го создаваат и развиваат македонизмот како преодна фаза за одвојување на македонските Бугари од бугарството и нивна постепена србизација, но таков тесен србомански клин на југ не може да трае долго, тој е осуден на пропаст.

Токму ова се случува денес. Србија ја прогласува Северна Македонија за прадедовска српска земја и сосема природно никој од псевдополитичките фактори во Скопје не реагира, ниту од ‘позицијата’ ниту од ‘опозицијата’, што се двете страни на истата српска монета. Но, во исто време, со секој изминат ден, Северна Македонија се трансформира неповратно!

Иван Михајлов го видел предавството на Крсте Мисирков, стипендист на српското шовинистичко друштво ‘Свети Сава’, запишан во неговите листи под името Крсте Петковиќ.

Еве ја насловната страница од брошурата на Иван Михајлов за неурамнотежениот Мисирков, објавена во 1969 година“, го цитира Ташев бугарскиот весник „Труд“.

Најнови вести од: Македонија

Мицкоски побара од Европскиот Совет да се почитува македонскиот јазик и идентитет

Мицкоски порача дека местото на Македонија е во Европската Унија, но само доколку Европа покаже фер однос и ги признае македонскиот идентитет, јазик и култура без условувања од источниот сосед

Муцунски: Целосно ги отфрлам дезинформациите дека постои било каков договор со Обединетото Кралство за прифаќање мигранти

Во целост ја отфрлам дезинформацијата дека Владата или Министерството за надворешни работи и надворешна трговија разговарале или склучиле било каков договор со Обединетото Кралство за прифаќање мигранти

Најнови вести

To top