26-годишен измамник од Македонија лажно се претставил како доктор и зел 270 илјади евра од осум семејства од Хрватска, пишува Дневник.хр.
Тој го искористил најголемиот страв на родителите – можната загуба на дете, објаснува полицијата.
Лажниот доктор на телефон се јавувал и велел:
„Вашето дете е во опасност. Се случила трагедија или голема несреќа. Потребни се пари за оваа тешка операција“, изјави Марија Гоати, портпаролка на Полициската управа во Загреб, додавајќи дека родителите на кои им се јавувал биле оштетени за повеќе од 270.000 евра.
Наместо лекар, на другата страна од телефонот бил 26-годишен измамник, македонски државјанин, кој завршил зад решетки по брза кривична истрага.
Комората на семејни лекари на Хрватска апелираше до пациентите да не стануваат жртви на лажни лекари кои им доаѓаат на прагот.