Македонија Бизнис

Стопанството бара фирмите да учествуваат со 70% во реализацијата на британските инвестиции

Домашните компании бараат да се присутни со најмалку 70% од извршувањето на работите во новите проекти и инвестиции меѓу Македонија и Oбединетото Kралство во рамки на стратешкото партнерство. Ова е ставот на претседателот на Стопанската комора Бранко Азески, по средбата со министерката за финансии Гордана Димитриеска-Кочоска. Според бизнисот, компаниите засега се задоволни од работата на […]

2 минути за читање

Домашните компании бараат да се присутни со најмалку 70% од извршувањето на работите во новите проекти и инвестиции меѓу Македонија и Oбединетото Kралство во рамки на стратешкото партнерство. Ова е ставот на претседателот на Стопанската комора Бранко Азески, по средбата со министерката за финансии Гордана Димитриеска-Кочоска. Според бизнисот, компаниите засега се задоволни од работата на Владата, иако во дел од проектите имало побавно одвивање на работите.

Претседателот на СКСМ Бранко Азеско потенцираше дека бизнис заедницата е задоволна од она што го презема Владата, но дека тоа оди со побавно темпо. Упати барање 70% од работите што ќе се изведуваат при спровдување на проектите поддржани преку Договорот за стратешко партнерство со Обеиднетото Кралство, да бидат реализирани од страна на домашните компании. Изрази задоволство од реализацијата на унгарскиот заем наменет за компаниите и дека тој ќе се спроведе како што било планирано. Во однос на солидарниот данок наведе дека е постигнато заеднички да се намали рокот во кој државата ќе го врати кон компаниите од оној до 5 години утврден со одлуката на Уставниот суд и дека заеднички ќе се утврди и модалитетот на враќање.

Министерката за финансии во врска со реализацијата на проектите коишто ќе добијат поддршка преку Договорот за стратешко партнерство со Обединетото Кралство, наведе дека стануа збор за рамка од 5 милијарди фунти кои ќе може да се повлекуваат во наредните 10 години, а повлекувањето ќе се одвива врз основа на готови проекти. Средствата за финансирање ќе се бараат откако ќе има готов проект и дека условите ќе зависат од рокот на отплата, но при изборот ќе се користи изворот кој ќе даде најповолни услови.

  • „Британската Влада со овој Договор застанува зад Македонија и гарантира дека ние ќе ги вратиме средствата“, наведе министерката за финансии.

Димитриеска-Кочоска рече дека дел од британските пари ќе се користат за изградба на пруга којашто ќе ги поврзе Табановце со Гевгелија, завршување на Клиничкиот центар во Штип, како и изградба на болницата во Кичево. Бизнисмените сметаат дека предвидливоста мора да е во фокус, оти само така економијата ќе оди напред и ќе застане на здрави нозе. Стопанствениците сметаат и дека извозот е клучна алка, односно алфа и омега за натамошен развој за македонскиот бизнис.

Поврзани теми:

топ|актуелно|избор

Најнови вести од: Македонија Бизнис

Минатата седмица „Безбеден град“ снимил 4490 прекршоци, од кои за брзо возење биле 4297

Од 9.2.2026 до 15.2.2026 системот „Безбеден град“ на подрачјата на градовите и коридорите каде се поставени камери, регистрирал вкупно 4.490 прекршоци, што е за 10% помалку во споредба со првата седмица во февруари кога биле регистрирани 4.991 прекршок, соопшти Министерството за внатрешни работи.

ВМРО ДПМНЕ: СДС, насочена кон пропаст, направи катастрофални грешки и штети во образованието, го решаваме и овој проблем

Наместо кон напредок СДС е партија, насочена кон пропаст. Меѓу низата направени катастрофални штети на државата, е и Законот за високо образование. Го донесоа во 2018 година, предизвикаа драстично намалување на квалитетот на високото образование во Македонија и го избришаа единствениот македонски универзитет од пошироката Шангајска ранг листа. Промени се потребни, тоа е општата констатација на целата научна и академска фела во државата. Тим од над 60 академски професори, експерти и претставници на институции, органи и на студентите, изработија предлог законско решение, за кое во тек е јавна дебата. Ниту е конечно, ниту насилно ќе се истурка, како што СДС милува да паничи во јавноста, соопшти ВМРО ДПМНЕ.

КИЧЕВО: Како последица на поплавите евакуирани и згрижени се 250 лица во Кичево, од кои 61 дете, најмалото има еден месец

Црвениот крст информира дека нивните волонтери продолжуваат да бидат на терен и активно обезбедуваат помош и поддршка за загрозените од поплавите низ државата. Распределуваат хуманитарна помош, вклучувајќи сместување, храна, вода, топли оброци, душеци, ќебиња и основни хигиенски средства со цел да им помогнат на семејствата кои се соочуваат со тешки последици од временските непогоди.

С.Т.(25) од Нерав загина на автопатот Куманово-Крива Паланка, откако „голфот“ му удрил во куче, па и во „бмв“ на спротивната лента – тројца се тешко повредени

Од СВР Куманово информираат дека патничко возило „фолксваген голф“ со кривопаланечки регистарски ознаки, управувано од С.Т.(25) од с.Нерав, кривопаланечко, удрило во куче скитник по што преминало во спротивна сообраќајна лента и дошло до директен судир со патничко возило „бмв“ со кривопаланечки ознаки, управувано од Ф.Ј.(27) од с.Длабочица, кривопаланечко. С.Т. го загуби животот, а три лица се тешко повредени во оваа сообраќајна несреќа, која се случила вчера околу 19 часот на магистралниот пат Куманово-Крива Паланка, во месноста „Смилчинци“ во општина Старо Нагоричане.
Сите вести од Македонија

Најнови вести

To top