Македонија

Со што е уценет Таравари, па како млада невеста постојано ја прекинува свадбата

Владејачката ВМРО-ДПМНЕ остро реагираше на однесувањето на лидерот на крилото на Алијанса за Албанците, Арбен Таравари, обвинувајќи го дека постојано ја прилагодува својата реторика според моменталните потреби, слично на невеста што го одложува венчањето.

2 минути за читање

Владејачката ВМРО-ДПМНЕ остро реагираше на однесувањето на лидерот на крилото на Алијанса за Албанците, Арбен Таравари, обвинувајќи го дека постојано ја прилагодува својата реторика според моменталните потреби, слично на невеста што го одложува венчањето. Ова доаѓа по изјавите од неговата партија дека проблемите во коалицијата ВЛЕН потекнуваат од партнерите во Владата – ВМРО-ДПМНЕ, ЗНАМ и Српската демократска партија на Иван Стоилковиќ, а не од албанската опозиција.

„Денеска ВМРО-ДПМНЕ му е злото, а пред само два месеци со истото тоа ВМРО-ДПМНЕ гордо седеше во Владата“, се вели во реакцијата од владејачката партија.

Од ВМРО-ДПМНЕ прашуваат под каков притисок делува Таравари и колку пати ќе ја повторува истата тактика за оправдување на своите постапки. Според нив, вистинскиот проблем не е во владејачката партија, туку во неговото недоследно однесување и лицемерие. Тие тврдат дека Таравари секогаш кога не добива посакувана позиција, веднаш ги обвинува коалициските партнери.

„Таравари или не знае што зборува или знае, ама намернио ја менува плочата за да си го оправда влезот и излезот од коалицијата“, пишува во партиската реакција.

ВМРО-ДПМНЕ наведе и неколку клучни моменти од политичкото дејствување на Таравари од февруари 2024 година до денес.

Од ВМРО-ДПМНЕ велат дека во февруари 2024 година Таравари самиот изјавил дека ВМРО-ДПМНЕ и СДСМ го гледале неговиот блок како посакуван партнер. Призна дури и оти од Али Ахмети добивал неодоливи понуди за прв албански премиер и претседателски кандидар.

Во јуни 2024 година, Владата е изгласана со партнерство на ВМРО-ДПМНЕ и коалицијата на опозициските партии на Албанците – ВЛЕН, а во мај следната година, Алијанса за Албанците на Таравари ја нашушти коалицијата ВЛЕН со образложение за наводни неисполнети ветувања. Сепак, дел од неговата партија остана во Владата.

Според ВМРО-ДПМНЕ, овие настани укажуваат дека мотивите на Таравари не се базирани на идеологија, туку на можни лични интереси или надворешни притисоци. Партијата заклучува дека неговото однесување покажува недостиг на принципи и постојано менување на ставовите за лична корист.

Поврзани теми:

избор|ВРЕДИ|ДУИ|ЗНАм|Арбен Таравари|ВМРО-ДПМНЕ

Повеќе на оваа тема:

Најнови вести од: Македонија

Пожар на 10 метри од детска градинка, двајца полицајци повредени

Двајца полицајци се хоспитализирани на Клиниката за токсикологија поради вдишување на јаглерод моноксид додека го гаснеле пожарот што избувна денеска попладне во близина на новоизградената детска градинка, сместена во дворот на основното училиште „Св. Климент Охридски“ во Бутел.

(Фото): Хаос на „Евзони“ – граѓани со часови чекаат за излез од Грција

Огромни кологи и долги саати чекање на граничниот премин „Евзони“ пријавуваат македонски граѓани. Од голема гужва пред границата стојат веќе три до четири часа, а притоа немаат информации за прекини во работата на границата, ниту пак за штрајкови. 

Паѓаа дрва, се откорнаа покриви од згради – невреме ја зафати Македонија

Скопскиот регион, но и делови од Македонија, попладнево беша погодени од силно невреме проследено со ветер и дожд, по што речиси истовремено избија повеќе пожари на отворен простор, видливи од голем дел од градот и предизвикувајќи вознемиреност кај граѓаните.
Сите вести од Македонија

Најнови вести

To top