Свет

Повреден МАГА-активистот и влијателен сојузник на Трамп, Чарли Кирк, откако било пукано врз него додека говорел во Универзитетот „Јута Вали“

„Чарли Кирк, извршниот директор и соосновач на конзервативната младинска организација „САД на пресвртна точка“ („Turning Point USA“) и близок сојузник на претседателот Доналд Трамп, се наоѓа во критична состојба во болница во Јута.“ – изјави за новинската агенција Асошиетед Прес службено лице за спроведување на законот.

2 минути за читање

Чарли Кирк, влијателен активист на МАГА-движењето, близок сојузник на американскиот претседател Доналд Трамп и извршен директор на конзервативната младинска организација „САД на пресвртна точка“ („Turning Point USA“ – TPUSA), беше ранет денес, на 10 септември 2025 година околу пладнето за време на настан на Универзитетот Јута Вали. 

Видеата објавени на општествените медиуми од Универзитетот Јута Вали го покажуваат Кирк како зборува во рачен микрофон додека седи под бел шатор украсен со слоганите „Американското враќање“ и „Докажи ми дека грешам“. Се слуша еден истрел и Кирк може да се види како ја подава десната рака додека големо количество крв блика од левата страна на неговиот врат. Се слушаат зашеметени гледачи како врескаат пред луѓето да почнат да бегаат. АП потврди дека видеата се направени во дворот на Центарот Соренсен на кампусот на Универзитетот Јута Вали. Во исто време студентите почнаа да бегаат во паника од звуците на огнено оружје. Кирк настапуваше таму како дел од „Американската турнеја за враќање“, организирана од локалниот огранок на „САД на пресвртна точка“.

Вооружениот човек сè уште е во бегство. Скот Тротер, портпарол на Универзитетот Јута Вали, изјави за Би-Би-Си дека Кирк е ранет и оти вооружениот човек не е уапсен. Тој рече дека околу 12:25 часот по локално време „се слушнал истрел во дворот на универзитетот, во близина на студентската кафетерија, додека Чарли Кирк го започнувал својот говор“.  Конгресменот на САД Џејсон Чафец, кој беше на настанот, за Фокс њуз изјави дека насилството било „шокантно“. „Куршумот беше истрелан право во него. Некои беа на подот, некои трчаа.“ – рече Чафец. Тој додаде дека разговарал со Кирк непосредно пред почетокот на митингот.

Претседателот на САД, Доналд Трамп повика на молитва за Кирк. „Одличен човек од глава до пети. Бог да го благослови!“ – напиша Трамп на општествената мрежа „Општествена вистина“ („Truth Social“).

Потпретседателот на САД Џеј Ди Венс исто така повика на молитва за Кирк, нарекувајќи го „добар човек и млад татко“. Министерот за одбрана Пит Хегсет рече: „Нека го допре раката на Исус Христос, што лекува.“ Гувернерот на Калифорнија Гавин Њусом го осуди нападот, нарекувајќи го „одвратен“. 

Поврзани теми:

Универзитет Јута Вали|САД|пукање|Доналд Трамп|Чарли Кирк|„САД на пресвртна точка“ („Turning Point USA“)

Повеќе на оваа тема:

Најнови вести од: Свет

Лаен: САД ги туркаат меѓусебните односи во опасна надолнина, но ние ќе им одговориме непоколебливо!

Осврнувајќи се на случувањата околу Гренланд претседателката на Европската комисија Урсула Лаен нагласи дека ЕУ ги смета Американците не само за сојузници, туку и за пријатели, дополнувајќи дека „но тие ги туркаат меѓусебните односи во опасна надолнина, од која корист би имале само противниците на Унијата и САД“. – Затоа, нашиот одговор ќе биде непоколеблив, обединет и соодветен. Мора стратешки да пристапуваме кон ова прашање. Затоа работиме на пакет за поддршка на безбедноста на Арктикот, рече Лаен.

Трамп веќе го „стави“ американското знаме на Грендланд и порача: „Нема враќање назад“!

Американскиот претседател Доналд Трамп не отстапува од идејата САД да го преземат Гренланд, додека европските лидери продолжуваат да се спротивставуваат на неговите барања. Тој сподели слика генерирана од вештачка интелигенција од себе заедно со Марко Рубио и Џ.Д. Венс, како го поставуваат американското знаме на Гренланд, со знак на кој пишува „Гренланд – територија на САД – формирана 2026 година“.

Франс 24: ЕУ разгледува контрамерки како одговор на заканите на Трамп за Гренланд

Земјите-членки на Европската унија разгледуваат контрамерки, како одговор на царинските закани на американскиот претседател Доналд Трамп поради претензии кон Гренланд, и покрај противењето на Данска и ЕУ, јави Франс 24

Шпанија прогласи тридневна жалост по железничката несреќа

Шпанија има најдолга железничка мрежа по Кина, а ова е прва несреќа со брз воз. Во неа загинаа најмалку 39 лица, а властите стравуваат дека бројот на жртви може да се зголеми во наредните часови, бидејќи уште 152 лица се повредени, од кои некои потешко.
Сите вести од Свет

Најнови вести

To top