Претседателот на САД, Доналд Трамп, назначи 22-годишник да раководи со главниот центар на Министерството за внатрешна безбедност на САД, задолжен за спречување на тероризам.
Само една година по дипломирањето, 22-годишникот без очигледно искуство во националната безбедност сега е функционер на Министерството за внатрешна безбедност на САД, задолжен за главната владина агенција за спречување на тероризам.
Белата куќа го номинираше Фугејт, кој претходно работеше во кампањата на Трамп и беше практикант во десничарската Фондација Херитиџ, за функцијата во Министерството за внатрешна безбедност.
ProPublica пишува дека назначувањето на Фугејт е најновиот шок за канцеларијата која е практично уништена откако Доналд Трамп се врати во Белата куќа и почна да ја ревидира политиката за национална безбедност, фокусирајќи ја речиси исклучиво на имиграцијата.
Веста за назначувањето предизвика загриженост кај експертите за борба против тероризмот. Неколку од нив признаа дека морале да го побараат Фугејт на LinkedIn – бидејќи никој во областа не го познавал.
Во неговото Си-Ви нема никакво искуство во спречување на тероризам.
Според неговиот профил, тој работел во супермаркет во Остин уште од август 2023 година како „член на тимот со повеќе функции“.
Неговата прва работа во 2020 година била уредување на околина. Тој напишал дека е самовработен и дека неговата работа вклучувала „косење тревници, отстранување плевел, рабови на тревници и чистење на остатоци“.