Македонија

За Бугарија, „категорично неприфатлива“ е условната казна за претседателот на избришаниот клуб „Ванчо Михајлов“

Министерството за надворешни работи на Бугарија ја осуди одлуката на Основниот суд во Битола да го осуди Љупчо Георгиевски, претседател на избришаниот клуб „Ванчо Михајлов“, на две години условно за предизвикување омраза, раздор и нетрпеливост на национална, расна, религиозна и друга дискриминирачка основа и распространување расистички и ксенофобни материјали на социјалните мрежи. „Апсолутно е неприфатливо […]

2 минути за читање

Министерството за надворешни работи на Бугарија ја осуди одлуката на Основниот суд во Битола да го осуди Љупчо Георгиевски, претседател на избришаниот клуб „Ванчо Михајлов“, на две години условно за предизвикување омраза, раздор и нетрпеливост на национална, расна, религиозна и друга дискриминирачка основа и распространување расистички и ксенофобни материјали на социјалните мрежи.

„Апсолутно е неприфатливо во земја која тврди дека е пример за функционална мултиетничка демократија, отвореното декларирање на припадноста кон бугарскиот народ, почитувањето на бугарските национални симболи и херои и ширењето автентична бугарска литература да бидат казнети со закана од затвор.

Несомнено е дека пристапот на властите во Северна Македонија, заедно со намерното создавање атмосфера на нетолеранција преку постојана антибугарска реторика, има за цел да всади страв од остварување на правото на слободно самоопределување, да ја маргинализира и стигматизира бугарската заедница.

Кршењето на правата на Бугарите во Северна Македонија е факт што не може да се негира. Денешната судска одлука против г. Георгиевски е уште една потврда за практичното одбивање на властите кај нашиот југозападен сосед да ги гарантираат основните права на оваа група свои граѓани. Напротив – наместо да ги заштити, судскиот систем активно се користи против нив. Ова е исто така јасен доказ за проблемите што јасно ги идентификува ЕУ со независноста, професионализмот, ефикасноста и непристрасноста на судскиот систем во Северна Македонија.

Сепак, пристапот на институционално заплашување не може да го замолчи гласот на македонските Бугари и нивната легитимна аспирација да ги гарантираат своите права како полноправни граѓани на Северна Македонија во духот на европските вредности и достигнувања.

Бугарските институции остануваат непоколебливо посветени на гарантирањето на правата на Бугарите во Северна Македонија, вклучително и преку користење на сите меѓународни механизми во областа на човековите права“, стои во соопштението за пресудата на претседателот на клубот именуван по фашистичкиот соработник во Втората светска војна од министерството на државата со 14 пресуди од Судот за човекови права од Стразбур за недозволување да се регистрираат здруженија на македонското малцинство.

Поврзани теми:

клуб „Ванчо Михајлов“|Љупчо Георгиевски|МНР на Бугарија

Повеќе на оваа тема:

Најнови вести од: Македонија

Стојаноски: Македонија предводник во регионот, патничкиот авиосообраќај порасна за 27,9%

Резултатите покажуваат дека Македонија станува се попривлечна туристичка и транспортна дестинација. Аеродромите во Охрид и Скопје го имаа најуспешниот јули досега, поставувајќи историски рекорди во македонскиот воздушен сообраќај, вели пратеникот на ВМРО-ДПМНЕ, Бојан Стојаноски.

Тошковски: Водата во Гостивар останува исклучиво за техничка употреба, контролите ќе се засилат

Водата од градскиот водовод во Гостивар сè уште не е безбедна за пиење и останува да се користи исклучиво како техничка, соопшти министерот за внатрешни работи Панче Тошковски по состанокот на Главниот штаб за управување со кризи.

Уште еден сомнителен случај на западнонилска треска

Уште едно лице, на возраст од 76 години, кај кое е потврдено воспаление на мозокот и мозочните обвивки од вирусно потекло, како и позитивна серологија од серум за вирусот западен нил е хоспитализирано во текот на изминатото денонокие на Клиниката за инфективни болести.

ВМРО ДПМНЕ: Жерновски 20 години ја цица државата, тој е талог на општеството

СДСМ се препозна и се прогласи за талог на општеството, а еден од основоположниците на тој талог е токму нивниот неуспешен амбасадор Андреј Жерновски, одговори ВМРО-ДПМНЕ на прес-конференцијата на Жерновски.

Обвинителот предложи притвор за „газдарицата“ на „Камените кукли“ Стојна Димитровска Бут (41) од Кратово, која беше уапсена на 2 август, откако се тепаше со туристи!

Јавен обвинител од Основното јавно обвинителство (ОЈО) Куманово до надлежниот суд поднесе предлог за определување мерка притвор за 41-годишна жителка на Кратово која вчера беше лишена од слобода и за која се водат постапки за спречување на службени лица во вршење службени дејствија и узурпација на локалитетот „Камени кукли“, наоѓалиште е заштитено како природна реткост, во кратовското село Куклица.
Сите вести од Македонија

Најнови вести

To top