Голманот на фудбалската репрезентација на Македонија, Столе Димитриевски, чекаше 8,5 месеци за да застане на голот на Валенсија и ја сочува својата мрежа во победата од 5:0 на гостувањето кај нисколигашот Марасена на стартот од шпанскиот Куп на кралот.
Претходниот клупски настап на Димитриевски беше исто така во Купот, кога во февруари бранеше против Барселона.
Македонскиот чувар на мрежата требаше сезонава конечно да добие шанса од „лилјаците“ со заминувањето на Грузиецот Гиорги Мамардашвили во Ливерпул, но некогашниот првак на Шпанија го доведе Хулен Агирезабала како зајмен играч од Атлетико Билбао и тој засега има предност пред Димитриевски.