Македонија

ДМ засади 50.000 нови дрвја во штипско

Во масовната акција учествуваа и 400 вработени во дрогеријата

2 минути за читање

На 30 ноември 2025, компанијата dm дрогерие маркт успешно го реализираше продолжението на еко-проектот „Пошумуваме заедно за позелено утре“, најмасовната акција за пошумување досега. Заедно со партнерите Македонско еколошко друштво (МЕД) и ЈП Национални шуми, речиси 400 вработени во dm, волонтери и претставници на институционалните партнери беа дел од најголемото масовно пошумување во селото Калапетровци во околината на Штип.

Овој традиционален еколошки проект, кој dm го започна во 2022 година, до денес вроди дури 150.000 засадени дрвја на повеќе локации низ нашата земја – во Велес, во близина на езерото Младост, во околината на скопско Миладиновци и во близина на опсерваторијата Кокино. Оваа година во селото Калапетровци во околината на Штип, целта беше доста амбициозна и беа засадени дури 50.000 нови стебла. Со оваа акција, dm drogerie markt заедно со еколошките партнери МЕД и ЈП Национални шуми направи уште еден голем чекор кон позелено утре за сите нас. Компанијата dm обезбеди и организиран превоз, опрема за садење, и освежителна закуска за сите учесници.

Главниот мотив за започнување на проектот „Пошумуваме заедно за позелено утре“ лежи во стратешката определба на dm, која постои уште од самото основање на компанијата придонесувајќи кон создавање на поздрава животна средина за сите нас и за идните генерации преку зачувување и обновување на шумите, кои се главен извор на кислород и симбол на животот.

dm продолжува со своите еко активности преку целата година и од септември 2025 како дел од конкурсот Зелена иднина: од градинка до училиште за раззеленување училишни дворови успешно досега раззелени 4 училишни дворови. Сите заинтересирани државни и општински градинки, основни и средни училишта можат да се пријават на конкурсот кој трае до 31.08.2026.

Поврзани теми:

вработени|ДМ|dm drogerie market|штипско|пошумување|дрогирија

Повеќе на оваа тема:

Најнови вести од: Македонија

Исплатата на ДДВ не е прекината – УЈП има технички проблеми, се работи на решавање на проблемот

УЈП апелира до граѓаните доколку вршат промена на банка или трансакциска сметка, потребно е веднаш да направат ажурирање на податоците во системот. Со тоа ќе се избегнат вакви ситуации во иднина и ќе се овозможи навремена исплата на сите корисници.

Линеарното зголемување на пензиите не е укинато, реагираа од Уставен суд

Уставниот суд ова соопштение првично го објави откако премиерот Христијна Мицкоски во четвртокот на седницата за пратенички прашања од собраниската говорница рече дека Судот веќе донел одлука за укинување на законската одредба за линеарно зголемување на пензиите и од наредниот месец најголемиот број од пензионерите ќе добиваат помали пензии.

Асани: Албанците во РМ треба уставно да се признаат како државотворен и конститутивен народ, а Тирана да стане сѐалбански центар во Балканот!

„Расправата за прашањето на Бугарите во Уставот е само завеса, за да се скрие вистинската цел: да се сведат Албанците на декоративна заедница, а не како партнер во градењето на државата. Опасноста е опиплива и блиска. Слабеењето на уставната субјективност на Албанците ќе создаде простор за екстремистички говор, за дестабилизирачки проекти и нови меѓуетнички тензии.“ – пишува проф.д-р Скендер Асани во својата колумна со наслов „„Албанското прашање не се третира како конститутивно партнерство, туку како проблем што треба да се администрира“, која ја објави весникот на албански јазик „Факти“ од Скопје. Во изминатите недели преку свои колумни, објавени од различни медиуми од Балканот, Скендер Асани ги повикува Албанците од Македонија „да изградат нова Платформа за албанската државотворност“ и „сѐалбанско национално единство“, за да ја „унапредат својата улога како уставно признат државотворен народ и конститутивен чинител на државата Македонија“. Тој ја повикува и „официјална Тирана да ја преземе својата улога како водечки политички центар за албанската нација во регионот“, а „заедно со Приштина и Скопје Тирана да ја изгради и новата албанска оска во Балканот“.

„Порталб“: Ќе продолжи преименувањето на улиците во Тетово, но македонските партии се против тоа

„Преименувањето на улиците во Тетово не беше завршено за време на општинската администрација 2021/25 година и беше прекинато непосредно пред годинашниве локални избори. Општина Тетово вели дека процесот ќе продолжи таму каде што застана. Албанската опозиција прашува: дали градоначалникот Билал Касами ќе има политичка моќ да ја направи оваа промена? Македонските партии не ги променија своите ставови: искажуваат спротивставување.“ – пишува во анализата, која ја објави информативниот портал на албански јазик „Порталб“.
Сите вести од Македонија

Најнови вести

To top