Луѓето на Зоран Заев се кандидати на Венко Филипче, истата матрица само различни луѓе, рече денеска Јане Мицевски, пратеник и член на ИК на ВМРО-ДПМНЕ.
Кандидатите на СДСМ за градоначалници со амин од Филипче, се продолжена рака на Заев, додаде тој.
– Заев сè уште владее во СДСМ, а Филипче е само обична фигура која нема право на глас и прави сè како што Заев ќе му каже. Доказ за тоа е кандидирањето на Мартин Костовски во Куманово, кој важи за близок соработник и функционер на СДСМ со Заев. Човекот кој беше директор на Службен весник, пратеник во Собранието, а сега и организационен секретар на СДСМ, сè е тоа благодарение на тоа што му е послушник на Заев. Како ќе каже Заев, така Костовски прави – рече Мицевски.
Филипче во целата приказна е само претседател на хартија, кој предлог кандидатите за градоначалници мора да ги испорача во знак на благодарност кон Заев, додаде тој.
– Затоа и овие кандидати се луѓе кои се синоним за неспособност и пораз во првиот круг на локалните избори – рече Мицевски.