Македонија

Зголемена посетеноста на спомен-куќите на Кочо Рацин, Васил Главинов и Јордан Хаџи Константинов- Џинот во Велес

Три спомен куќи

– Во текот на 2025 година посетеноста на трите спомен-куќи е околу 4 500 посетители, што е повеќе за илјада посетители споредено со 2024 кога биле околу 3 500. Најголема посетеност, како и во изминатите години има за посета на Спомен-куќата на поетот и револуционер Коста Солев Рацин. Изминатата година се повеќе се зголемувал и интересот и за останатите две спомен-куќи, на Васил Главинов и Јордан Хаџи Константинов Џинот, сите сместени во високиот стар дел од Велес.

Како што информираат за МИА од Народен музеј Велес, во овие бројки не се вклучени посетите на припадниците на АРМ од велешкиот гарнизон и нивните делегации, со кои Музејот има склучено меморандум за соработка, што дополнително подразбира уште најмалку стотина посетители.

Значаен придонес кон зголемената посетеност имала и соработката со основните и средните училишта од Велес и од други градови во земјава, при што спомен-куќите се редовно вклучени во нивните образовни екскурзии, како и за време на одржување на Рациновите средби и Детските Рацинови средби и други манифестации и програми, како и при посетата на странски делегации на Општина Велес.

Народниот музеј во Спомен-куќите организира едукативни, како и грнчарски работилници поврзани со културното наследство, наменети за различни возрасни групи, како дел од својата едукативна мисија.

Од Народниот музеј најавуваат дека оваа практика ќе продолжи и наредниот период, се со цел дополнително приближување на културното наследство до јавноста.

Спомен-куќите можат да се посетат со претходна најава од еден или два дена во Народниот музеј на броевите: 075 298 957 и 043 231 434 или на е пошта:muzejveles@yahoo.com, при што посетата се организира со кустос кој ја води разгледувачката тура.

На новинарското прашање за одржување, реновирање и санација на спомен-куќите, директорот на Народен музеј Велес Ангел Коруновски појасни дека спомен-куќите се споменици на културата и затоа одговорот на ова прашање е покомплексен.

-Народниот музеј Велес редовно и навремено спроведува минорни интервенции, санации и заштитни мерки, додека покомплексните активности се реализираат во соработка со Националниот конзерваторски центар и Управата за заштита на културното наследство, а се со цел да се зачуваат историските и културните вредности на објектите, појасни Коруновски.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

To top