Македонија

Димитровски – Кирхабум: Германија бара механизам во ЕУ за надминување на билатералните блокади на проширувањето

Заменик министерот за надворешни работи и надворешна трговија Зоран Димитровски денеска во Берлин на маргините на министерската конференција на Обединетите нации за мировни операции Берлин 2025, оствари средба со државниот министер за Европа на Сојузна Република Германија, Гунтер Кирхбаум. Признавајќи го напредокот што земјата го има постигнато во спроведувањето на реформите и унапредувањето на европските […]

2 минути за читање

Заменик министерот за надворешни работи и надворешна трговија Зоран Димитровски денеска во Берлин на маргините на министерската конференција на Обединетите нации за мировни операции Берлин 2025, оствари средба со државниот министер за Европа на Сојузна Република Германија, Гунтер Кирхбаум.

Признавајќи го напредокот што земјата го има постигнато во спроведувањето на реформите и унапредувањето на европските вредности, министерот Кирхбаум изрази верување дека иднината на Северна Македонија е во ЕУ.

Соработката и солидарноста остануваат клучни принципи на патот кон ЕУ и укажа дека остануваат посветени на поддршката на процесот на проширување, кој придонесува за стабилност, просперитет и заеднички развој во регионот.

Министерот Кирхбаум истакна дека германската влада ќе се залага за изнаоѓање механизам во ЕУ за надминување на блокадите на процесот на европска интеграција на земјите кандидати со билатерални прашања и додаде дека проширувањето треба да биде процес на заслуги.

Заменик министерот Димитровски се заблагодари на досегашната поддршка од Сојузна Република Германија за полноправно членство на РС Македонија во ЕУ.

Изрази очекување за продолжување на досегашната помош и поддршка за одболокирање на процесот на ЕУ интеграција на РС Македонија и за надминување на сегашната ситуација и укажа на потребата од изнаоѓање компромисно решение, напоменувајќи дека од наша страна се направени многу отстапки во минатото и дека е време на земјата да и се понуди предвидлив пат до полноправно членство во ЕУ.

Двајцата соговорници се согласија за важноста од исполнувањето на копенхашките критериуми како најважни услови за полноправно членство во унијата.

Поврзани теми:

актуелно

Најнови вести од: Македонија

Со „Предлог-заклучоците“ Советот на ЕУ ја претвора Македонија во „гробишта за европските резолуции и Копенхагенските критериуми“!

„Бугарското негирање на посебноста на идентитетот и историјата на македонската нација служи како оправдување за бруталната војна на агресија и културно уништување. Оваа националистичка патологија стана официјална политика на ЕУ! Барањата на Бугарија кон С.Македонија се неправедни: додека Бугарија инсистира на вклучување на Бугарите како конститутивен народ во македонскиот устав, таа упорно го негира постоењето македонско малцинство во Бугарија!“ – нагласува д-р Улф Брунбаер во својот научен труд со наслов „Страничните ефекти од ‘фантомските болки’: како бугарската историска митологија го попречува пристапувањето на С.Македонија во ЕУ“. Трудот е објавен на 4 јануари 2023 година во научното списание „Споредбени студии за Југоисточна Европа“. Професорот Брунбауер е австриски историчар и академски директор на Институтот Лајбниц за студии за Источна и Југоисточна Европа во Регенсбург, Германија. Неговите аналитички заклучоци од овој труд претставуваат жестока и аргументирана критика на политиката на Европската унија кон Република Македонија и нејзиното газење на сопствените Копенхагенски критериуми за проширувањето.

Мора да се најде решение со Бугарија за деблокада на евроинтеграциите, рече Муцунски од Брисел

Муцунски оцени дека самитот е важна можност да се потврди стратегијата на ЕУ за проширување и да се испрати позитивна порака до регионот, но и да се отворат конкретни разговори за надминување на билатералните пречки кои го кочат напредокот на Македонија.

Шилегов бара оставка од Филипче: Или си СДСМ, или си тезгаџија!

Поранешниот градоначалник на Скопје и висок функционер на СДС Петре Шилегов јавно преку фејсбук побара оставка од „лидерот“ на СДС Венко Филипче. Ако се има предвид жестината, со која Шилегов го нападна Филипче, означувајќи го со зборот претседател ставен во наводници, се наметнува дилемата: дали можеби Шилегов е дел од иницијатива за обединување на СДС, што веќе кружи и која која подготвува политички концепт и кадровска понуда, во која би влегле поранешни социјалдемократи, меѓу кои и некогашните потпретседател и генерален секретар Игор Ивановски-Шема и Андреј Петров?

(Фото): Поповолна бизнис-клима, стабилен раст и подобар стандард за граѓаните во 2026, очекува Силјановска-Давкова

Живееме во време на глобални геополитички и економски предизвици. Периодот на закрепнување по ковид-пандемијата, инфлациските притисоци и енергетската криза оставија длабоки траги врз економиите низ светот, а нивното влијание не не одмина и нас. Како дел од регионалниот, европскиот и глобалниот пазар, македонското стопанство е изложено на овие турбуленции, вели претседателката.
Сите вести од Македонија

Најнови вести

To top