Македонија

Филипче ќе добие жолт картон од голема група членови на СДСМ

Не се открива што ќе се случи ако луѓето што ја раководат партијата одбијат да заминат

Поранешниот градоначалник на Скопје од р Социјалдемократскиот сојуз (СДСМ), Петре Шилегов, тврди дека во партијата се подготвува платформа со која ќе се бараат темелни реформи и лична одговорност од актуелното раководство на партијата.

Во емисијата „Тема на денот“ на ТВ Сител, Шилегов рече дека СДСМ се соочува со сериозно кадровско празнење и дека голем број членови кои можат да придонесат за партијата веќе не се пожелни на Бихаќка.

„Жално е тоа што му се случува на СДСМ. Кадровски сериозно е испразнет. Луѓето што можеа да помагаат, а се СДСМ, очигледно е дека не се пожелни. Сите не дочекаа на нож затоа што укажавме дека начинот на раководење со партијата во последните неколку години ја носи на прагот на политичка егзистенција“, рече Шилегов.

Тој смета дека изборните резултати покажуваат сериозен пад на поддршката, наведувајќи дека СДСМ во Скопје станал петта политичка сила, а во градови како Битола, Прилеп, Велес и Штип трета.

Шилегов негира дека со своите ставови работи во корист на владејачката ВМРО-ДПМНЕ, нагласувајќи дека неговиот ангажман е исклучиво насочен кон зајакнување на СДСМ.

„Не може да се случи да работам за ВМРО-ДПМНЕ. Тоа што го правам можам да го правам само за СДСМ“, истакна тој.

Во врска со начинот на кој ќе се манифестира незадоволството во партијата, Шилегов вели дека процесот е веќе активен и дека постои поголема група социјалдемократи кои не се согласуваат со начинот на кој се води партијата.

„Ќе се обидеме да дојдеме до здрава политичка логика и да ги замолиме луѓето што ја раководат партијата тоа повеќе да не го прават. Да дојдат други луѓе што ќе ја раководат“, рече тој.

Според него, иницијативата ја водат луѓе кои долги години политички се развивале во СДСМ, а некои од нив се дел од партијата уште од младинските организации.

Шилегов оцени и дека Македонија во моментов е држава без силна опозиција, што според него оди во прилог на партијата Левица. Поради тоа, како што рече, дел од критички настроените граѓани сега опозициската алтернатива ја бараат токму во таа политичка опција.

Тој најави дека јавноста ќе биде информирана за понатамошните чекори, додавајќи дека наскоро ќе биде претставена платформа со која ќе се побараат сериозни реформи во СДСМ.

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

To top