Македонија

Македонец со двојно државјанство отстранет од изборите во Бугарија

Централната изборна комисија го избриша кандидатот на Преродба, Зоран Мрсески, поради моменталната адреса во Македонија

1 минута за читање

Бугарската Централна изборна комисија (ЦИК) ја избриша регистрацијата на кандидатот за пратеник од Преродба, Зоран Мрсески, за претстојните парламентарни избори закажани за 2 април, поради тоа што неговата моментална адреса е во Македонија.

Бугарскиот Устав дозволува лице со двојно државјанство да биде избрано за пратеник, но под услов да живеело во Бугарија во последните 18 месеци.

Генералниот директорат за население и домување утврди дека Мрсески има постојана адреса во Бугарија, но од 19 октомври 2024 година неговата моментална адреса е во Македонија и не е променета од 7 јули 2020 година. Со други зборови, тој не го исполнува условот за живеалиште.

Затоа, ЦИК ја избриша неговата регистрација за кандидат во 23. софиска изборна единица од антимакедонската партија на Костадин Костадинов.

 

Поврзани теми:

Преродба|ЦИК|Зоран Мрсески|избор|Бугарија|избори

Повеќе на оваа тема:

Најнови вести од: Македонија

Мицкоски: Владата подготвува мерки за ограничување на брзите кредити, по законот за игри на среќа

Премиерот Христијан Мицкоски најави дека Владата подготвува мерки и за ограничување на брзите кредити, откако претходно беше утврден новиот Предлог-закон за игрите на среќа и забавните игри. Тој рече дека, според анализите на Владата, токму долговите се една од причините поради кои граѓаните ја напуштаат државата. Мицкоски истакна дека „како по правило“ речиси до секоја обложувалница, или казино се отвораат и канцеларии за брзи кредити, создавајќи опасен круг на долгови и зависност.

Муцунски: Македонија нема да преговара со Бугарија за националниот идентитет, историјата и јазикот! – Тоа се нашите „црвени линии“!

„Македонија има црвени линии и нема да преговара за прашања, поврзани со националниот идентитет, историја и јазик!“ – изјави шефот на македонската дипломатија Тимчо Муцунски во интервју за „Еуроњуз“. Тој истакна дека историските расправи треба да им се остават на академиците, а политичарите да се насочат кон иднината и кон европската интеграција.

Мицкоски за одлуката на ОЈОГОКК за прекин на постапката за мазутот: Очекувам преразгледување на случајот, а јавноста знае каков обвинител е Ислам Абази!

„Вчера најпрвин со неверување ја слушнав таа вест. Бев бев шокиран од тоа што го слушнав. Добро е што АД ЕСМ ќе вложи жалба, кога ќе ја добие одлуката и очекувам дека случајот повторно ќе биде вратен на преразгледување и на повторна анализа. Зашто, ако тоа не се случи тоа, тогаш обвинителството ја губи конечно својата доверливост!Јавноста знае каков обвинител е Ислам Абази.“ –  истакна денеска премиерот Христијан Мицкоски, одговарајќи на новинарско прашање околу тоа што Обвинителството ја прекина истрагата за набавка на мазут – случај во кој беа обвинети Васко Ковачевски од СДСМ, Ратко Капушевски, Асмир Јахоски и уште 11 лица.

Популарното дело на „Браво сине!“ и „Арс Ламина“ – „Бајки од Македонија“ влегува во образовната програма како редовна лектира

Движењето за поддршка на креативноста – „Браво сине!“ низ годините изгради силна креативна платформа која обедини стотици автори и уметници околу една заедничка цел: создавање на уникатни креативни дела и поддршка на креативниот потенцијал во земјата
Сите вести од Македонија

Најнови вести

To top