Македонија

Промовирана монографијата „Социолошкиот дискурс на Крсте Петков Мисирков: за македонскиот идентитет и нацијата“ на Ганка Цветанова

Промовирана монографијата на Ганка Цветанова

2 минути за читање
facebook.com/siljanovskadavkova

На промоцијата на новата монографија „Социолошкиот дискурс на Крсте Петков Мисирков: за македонскиот идентитет и нацијата“, професорката Ганка Цветанова истакна дека делото на Крсте Петков Мисирков претставува многу повеќе од историски документ, нагласувајќи ја неговата длабока теориска вредност.

Според неа, уште во 1903 година, Мисирков го направил првиот научно аргументиран обид за стандардизација на македонскиот јазик, со што ги поставил темелите на политичката легитимност на македонската нација. Таа потенцираше дека автономијата на Македонија претставува централна идеја во неговото творештво, но не како цел сама по себе, туку како средство за зачувување на националната самобитност.

Во рамки на истражувањето, Цветанова го отвора прашањето дали Мисирков треба да се гледа исклучиво како историска личност или како мислител кој длабоко ги разбирал општествените, политичките и културните процеси поврзани со создавањето на македонската нација. Таа нагласи дека неговото дело содржи елементи на рана социолошка мисла, што го позиционира како еден од основоположниците на македонската научна и општествена мисла.

Монографијата воспоставува дијалог меѓу современите теориски пристапи и идеите на Мисирков, при што се нагласува нивната далекусежност и актуелност. Иако создадени во поинаков историски контекст, неговите концепции, според авторката, ги надминуваат временските рамки и ги предвесуваат современите научни согледувања.

Цветанова оцени дека Мисирков не бил само сведок на своето време, туку и визионер, кој уште пред појавата на модерните теории за нацијата и пред создавањето на македонската држава, ги формулирал клучните идеи за национален идентитет и државност.

Истражувањето започнало во 2020 година, а неговата промоција се одржува во годината кога се одбележуваат сто години од смртта на Мисирков.

На настанот, покрај авторката, присуствуваа и бројни јавни личности, меѓу кои претседателката Гордана Сиљановска-Давкова, премиерот Христијан Мицкоски, како и други претставници од академската и политичката јавност.

facebook.com/siljanovskadavkova

Поврзани теми:

Ганка Цветанова|Крсте Петков Мисирков|топ|македонски идентитет|промоција

Повеќе на оваа тема:

Најнови вести од: Македонија

М-НАВ: Апелација ја потврди пресудата со која се забранува најавениот штрајк на ССКЛ

Апелацискиот суд Скопје ја одби жалбата на Струковиот синдикат на контролори на летање (ССКЛ) и ја потврди првостепената одлука со која се забранува организирањето на најавениот штрајк за октомври 2025 година. Веста денеска ја соопшти адвокатот Горан Николоски, правен застапник на Македонска навигација. Со оваа одлука, решението на Основниот граѓански суд Скопје стана правосилно, со што се оневозможува реализацијата на штрајкот кој предвидуваше ограничување на летовите и делумно затворање на македонскиот воздушен простор.

Владата на Македонија најавува шест автопати во исто време: ќе се градат Скопје – Блаце и Кичево – Букојчани, Кичево-Охрид конечно пред целосно завршување!

Во втората половина од годинава во Република Македонија истовремено ќе се градат шест автопатски делници, најави Владата. Според плановите, кон крајот на овој месец или на почетокот на следниот ќе започнат градежните активности на втората делница од автопатот Скопје – Блаце, додека во септември или октомври се очекува старт и на изградбата на автопатот Кичево – Букојчани.

Ќе се градат автопатите Скопје-Блаце и Кичево-Букојчани, а Кичево-Охрид конечно пред целосно завршување

Истовремена изградба на шест автопатски делници во државата во текот на втората половина од годината – најавува Владата. Кон крајот на овој месец или во почетокот на следниот се очекува да почнат работи на терен за вториот дел од автопатот Скопје – Блаце, а во септември или октомври и градежните работи за автопатот Кичево – Букојчани. На терен се заокружуваат работите за целосно ставање во функција на автопатот Кичево – Охрид, а се работи и на делниците Тетово – Гостивар, Гостивар – Букојчани и Прилеп – Битола од проектот со „Бехтел и Енка“.

Ексградоначалникот на Карпош Стевчо Јакимовски оди една година во затвор, поради кривичното дело „бесправна градба“

Предметот е кај судија за извршување казни, откако Апелацискиот суд ја потврди првостепената пресуда против поранешниот градоначалник на Општина Карпош Стевчо Јакимовски, со која му е изречена казна затвор од една година за кривичното дело „бесправно градење“. Како што соопшти Основниот кривичен суд Скопје, Второстепениот суд, постапувајќи по жалбите на обвинетите и на Јавното обвинителство, донел пресуда со која ја потврдува казната за делото „Бесправно градење“. Во изречената казна ќе му биде пресметан и периодот поминат во куќен притвор, од 19 март до 15 август 2019 година.

Експотпретседателот на СДСМ и ексдиректор на Царината Стефан Богоев, фатен со мито за за местење тендер, излегува од притвор! – Судот прифати гаранција од 55 илјади евра!

Кривичниот совет при Основниот кривичен суд Скопје ја уважи жалбата на осомничениот Стефан Богоев и ја прифати понудената гаранција, со што се укинува мерката притвор што претходно му беше определена во траење од 30 дена. Претгодно, во текот на истиов ден, на 9 јуни, ВМРО ДПМНЕ соопшти: „Поранешниот потпретседател на СДС и дете на Заев Стефан Богоев е фатен со мито за местење тендер“. „Стефан Богоев- Богац, поранешен директор на Царинска управа од СДС, наместил тендер за одржување на хигиена на граничните премини и терминали во вредност од 18 милиони евра. Од свиркачи ВМРО ДПМНЕ дознава дека дека Богац ќе добиел 10% од тендерот кој самиот го наместил. Тендерот бил во вредност од 18 милиони денари, па ако на Богац му биле ветени 10%, тоа значи дека тој ќе инкасирал 1,8 милиони денари. Според ова, се разоткрива уште една тендерска шема на СДС, а ВМРО ДПМНЕ го повика Јавното обвинителство да истражи дали ова е единствениот тендер кој Стефан Богоев-Богац го наместил за време на мандатот на директор.“ – имаше нагласено ВМРО ДПМНЕ. Но, наспроти сите овие сериозни индикации, се соопштува денес дека судот донел одлука за  пуштање на Богоев од притвор, која била донесена по жалба изјавена против решението на судија на претходна постапка од 4 јуни 2026 година, со кое, по предлог на надлежниот јавен обвинител, на Богоев му беше определен притвор.

ВМРО ДПМНЕ: Кога СДС говори за корупција нека си го исчисти прво дворот, полн со криминалци! – Македонија предводи со реформите во регионот!

Од Планот за раст за спроведени реформи 65,7 милиони евра се за Македонија и нејзината Реформската агенда, најмногу од целиот регион, а кога СДС говори за корупцијата нека почне прво со чистење на својот двор кој е полн со криминалци!“ – истакнува ВМРО ДПМНЕ во своето соопштение.
Сите вести од Македонија

Најнови вести

To top