Македонија

Тошковски: Стратешкиот дијалог со САД носи конкретни резултати за безбедноста на нашите граѓани

САД остануваат наш најважен стратешки партнер и силен сојузник, порача од Вашингтон министерот за внатрешни работи

1 минута за читање

Министерот за внатрешни работи Панче Тошковски со први импресии од денешната втора сесија на Стратешкиот дијалог САД – Македонија во Вашингтон.

„Стратешкиот дијалог меѓу Македонија и САД е важен процес што носи конкретни резултати за безбедноста на нашите граѓани.

Како Министерство за внатрешни работи, силен акцент ставаме на зајакнување на граничната безбедност, борбата против организираниот криминал, нелегалната миграција и трговијата со дрога, како и унапредување на разузнавачката соработка со нашите партнери.
Особено е значајно што Соединетите Американски Држави обезбедуваат над 3,5 милиони долари поддршка за јакнење на капацитетите на МВР, што претставува директна инвестиција во безбедноста на државата.
Паралелно, работиме и на јакнење на сајбер безбедноста, преку конкретна техничка поддршка, обуки и модернизација на системите, со цел поефикасна заштита на институциите и критичната инфраструктура.
Ова партнерство значи посигурни граници, поефикасна борба против криминалот и модерни, отпорни институции.
САД остануваат наш најважен стратешки партнер и силен сојузник во зајакнувањето на безбедноста, стабилноста и демократските капацитети на државата“, вели Тошковски.

Поврзани теми:

топ|Македонија|вашингтон|Стратешки дијалог|Панче Тошковски|САД

Повеќе на оваа тема:

Најнови вести од: Македонија

Преку знаење до економска независност: „Diamond Mall“ ја започна програмата за зајакнување на жените во бизнисот

Програмата е дел од определбата на Diamond Mall да создава вредност за заедницата во која работи и да отвора можности што имаат значење и надвор од просторот на трговскиот центар. Како дел од одбележувањето на својот роденден, Diamond Mall традиционално секоја година реализира општествено одговорна иницијатива, насочена кон различни потреби во заедницата и создавање долгорочна вредност.

Волонтери од ТАВ Македонија подготвија 170 пакети со храна за бездомни лица

Како дел од своите заложби за корпоративна општествена одговорност, ТАВ Македонија продолжува да ги поддржува локалните заедници преку волонтерски иницијативи и партнерства што ја промовираат солидарноста и социјалната инклузија, потврдувајќи дека и малите дела можат да направат значајна разлика.

Група лекари реагираат, поради „нелегитимност и низа скандалозни одлуки“ и бараат „одговорност во Лекарската комора“!

„Како лекари и членови на Лекарската комора со длабока загриженост и чувство на професионална одговорност реагираме, поради серијата неправилности, кои сериозно го нарушуваат интегритетот на изборниот процес, а со тоа и угледот на целата наша струка.“ – стои во дописот од група на доктори кои биле вклучени во тие избори.

Бугарија бара „гарантирање на правата на Бугарите во Македонија“, а Македонците за неа таму „не постојат“ и немаат никакви права!

Бугарија категорично не учествува во никакви консултации за преговарање на обврските преземени од Република Македонија на нејзиниот пат кон Европската Унија. Ова го изјави министерката за надворешни работи Велислава Петрова за време на денешната парламентарна контрола во бугарското Народно собрание, објавија бугарските медиуми.

ЕСМ: Грејната сезона почнува на 15 октомври, проверете ги инсталациите

ЕСМ Снабдување со топлина упати последен апел до граѓаните на Скопје приклучени на системот за централно греење навремено да ги завршат сите неопходни подготовки за претстојната грејна сезона
Сите вести од Македонија

Најнови вести

To top