Илија Лазаров, член на Европскиот парламент од Бугарија, во интервју за бугарската агенција БГНЕС му се нафрли на известувачот за Македонија, Томас Вајц.
„Секоја промена на европскиот консензус ќе ѝ даде на Бугарија право да стави вето на членството на Северна Македонија во Европската Унија. Томас Вајц е целосно под туторство на Мицкоски и на Муцунски и работи под нивен диктат. Тој во моментов едноставно се прави интересен и ја исполнува волјата на Мицкоски и на Македонија да прави пропагандна бучава. Кога се кандидираш за некој клуб, мора да се однесуваш пристојно и да ги почитуваш правилата. Не може да влезеш, да кршиш прозорци, да клоцаш маси и столови и да се обидуваш да го наметнеш сопствениот простаклак во тој клуб“, изјави европратеникот од ГЕРБ на Бојко Борисов.