Претседателот на Собранието, Африм Гаши, учествуваше на Самитот на албанската дијаспора во Тирана, каде што фокусот беше ставен на улогата на иселениците во демократскиот развој. Во своето обраќање, Гаши порача дека клучот за спречување на миграцијата лежи во креирањето реални можности за граѓаните да го остварат својот потенцијал во сопствената земја.
Покрај учеството на Самитот, Гаши оствари значајни средби со државниот врв на Албанија:
На средба со претседателот на Албанија Бајрам Бегај беа потврдени одличните билатерални односи и заедничката европска иднина. Се разговараше за стратешкото партнерство и државотворната улога на Албанците во Македонија.
Гаши имаше и средба со претседателот на албанскиот парламент, Нико Пелеши, и тоа беше прва официјална средба меѓу двајцата спикери за која е речено дека се смета за клучен чекор во зајакнувањето на меѓупарламентарната соработка и размената на искуства за ЕУ-реформите.