Македонија

Бранејќи ја „чистата војна“ на ОВК, Ахмети ѝ се заблагодари на – „мајка Албанија“

Лидерот на ДУИ, роден во македонски Зајас и над две децении на власт во Македонија, „објави“ друга мајка на протестот во Тирана

Обраќајќи се на протестот во Тирана за поддршка на лидерите на Ослободителната војска на Косово (ОВК) обвинети за воени злосторства, Али Ахмети, роден во македонското село Зајас и лидер на Демократската унија за интеграција (ДУИ), која в недела пак ќе бара локална власт во Македонија, ѝ се заблагодари на – „мајка Албанија“…

„Ти благодарам Албанијо, ти благодарам мајко, што се однесуваше кон нас како кон ќерки и синови. Би сакал да го поздравам воениот генерал, претседателот Алфред Мојсиу, ослободителот кој дојде тука со еден век на рамената за да покаже солидарност со борците за слобода, бидејќи и самиот беше борец за слобода. Денеска сме заедно Тирана, Приштина и Скопје и нека бидеме секогаш вакви. Ги креваме нашите гласови за правда, за почит, за признавање на нашата праведна војна, за прагот, за слободата и демократијата, за независноста и пријателството со Америка и Европа“, рече претседателот на партијата што беше над две децении на власт во Македонија, но имал друга мајка.

„Драги браќа и сестри, потеклото на Косовскиот специјален суд е во измислените руско-српски извештаи за трговија со органи, кои неправедно предизвикаа возбуда во светот. Ова непостоечко прашање што излезе од кујните на српските служби со руските институции беше истражено и од Хашкиот трибунал и утврди дека не е вистина и ја затвори истрагата“, додаде тој.

Според Ахмети, поранешните водачи на ОВК не се судат лично и поединечно, туку колективно се оцрнува „чистата војна“ на ОВК, и ги повика сите Албанци да се приклучат на собирите во поддршка на војната на ОВК, бидејќи според него, таа војна била војна за ослободување.

 

 

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top