Последните податоци на Агенцијата за вработување на Македонија покажуваат дека и во февруари бил забележан нов пад кај бројот на граѓани кои се пријавуваат како невработени.
Имено, како невработени се спушти на 89.340 невработени, но уште 42.584 лица кои бараат работа.
Иако бројот на лица кои се невработени и кои се во потрага по работа се намалува, сепак, загрижува фактот што одредени лица со години се водат како невработени и тешко успеаваат да најдат работа, но и податокот дека најголем дел од невработените се без образование или со ниско образование, објави Фактор.
Од вкупно 89.340 невработени дури 46.659 се жени.
„Притоа најголем број од невработените се во категорија без образование или со основно образование и тоа дури 54.601од пријавените невработени лица. Следна голема група се невработените со завршено средно образование, и тука има вкупно 21.370 пријавени граѓани.
Во Агенцијата се пријавиле како невработени и 6.749 граѓани со непотполно средно образование, додека пак со високо образование како невработени се водат 5.569лица.
Зачудува податокот дека како невработени имаме и доктори на науки и магистри. Па така на листа невработени лица се 545магистри на науки, но и 21 лице кое се стекнало со титулата доктори на науки кои се пријавени за невработени“, пишува порталот.
Најголем број од невработените лица се во Скопје, и тоа вкупно 20.280 лица. Следен на листата град со најголем број невработени е Тетово со 11.404 невработени. По него доаѓа Куманово со 9.142 невработени, по што следува Гостивар со 6.403 невработени граѓани. Петти на листата град со најголем број невработени е Прилеп со 5.310 невработени лица.
Истовремено треба да се напомене дека во главниот град, освен што има најмногу невработени лица, има и најмногу отворени работни места, и тоа 5.851според податоците на Агенцијата.