Пациент на клиниката Жан Митрев кој бил повикан во обвинителството да даде исказ за случајот кој го водеше обвинителката Искра Хаџи Василева бил прекинат кога кажал дека спасот го нашол во Жан Митрев.
Повиканото лице во обвинителстово отишло кога обвинителката Хаџи Василева собирала искази од повеќе пациенти со цел да креира обвинение против Жан Митрев но кога лицето дало исказ дека всушност тој бил спасен во клиниката бил грубо прекинат.
,,Бев повикан од ЈО да дадам исказ за оштета бидееќи бев пациент за време на короната. Во просторијата бевме повеќе ,,оштетени,,. Земав прв збор и образлагав дека единствен спас најдов во Жан Митрев. Бев прекинат бидееќи не им одговараше моето кажување.
И Обвинителката ми вели ,, слушај не си ти тука на јавна трибина,, ме прекина и она во една реченица го напиша исказот дека НЕ СУМ ОШТЕТЕН”, пишува Ордан Ристовски.
Од изјавата на Ристовски меѓу другото се открива драматична повреда на постапката затоа што според Законот за кривична постапка не смеела да испрашува повеќе повикани лица одеднаш на исто место.
Обвинителката Искра Хаџи Василева веќе не го води предметот кој од пред еден месец го презела обвинителката Лидија Раичевиќ но повредите на постапката покрај низа други аномалии во процесот против Жан Митрев остануваат да сведочат за политички и бизнис спреги кои според досега познатите информации имале за цел да го сменат сопствеништвото на клиниката Жан Митрев.
Ристовски изјавата за манипулацијата ја дава како коментар на веста дека судот во Струмица одбил да суди по тужбата на Зоран Заев против Жан Митрев.