Познатиот кардиохирург Жан Митрев ја урива правосудна империја на екс премиерот Зоран Заев откако судот за кој се сметаше за бастион на фамилијата Заев која владееше со Струмица со децении, донесе одлука спротивна на интересите на кланот Заеви.
Заев во тужбата за клевета бараше 500.000 денари отштета а предметот по негова желба требаше да се води во судот во Струмица каде дел од судиите се сметаат за блиски на кланот Заеви.
На разочарување на тужителот Основниот суд во Струмица донел решение со кое се прогласил за местно ненадлежен по тужбата на поранешниот премиер Зоран Заев против кардиохирургот Жан Митрев, па предметот е препратен до Основниот граѓански суд во Скопје.
Според решението со број П5-6/26 од 1 април 2026 година, Заев преку својот полномошник, адвокатот Горан Заев, поднел тужба против Митрев со барање судот да утврди одговорност за клевета и да го задолжи тужениот да му плати 500.000 денари на име надомест за нематеријална штета поради повреда на честа и угледот, плус законска камата.
Во тужбата се наведува дека на 15 јануари 2026 година, во гостувањето во вечерното шоу на Богдан Илиевски на Алфа ТВ, Жан Митрев изнел невистинити тврдења кои го оштетиле угледот на Заев.
Во емисијата најсуштински дел на темата за наводни интереси на „политички големци“ за преземање на неговата болница, веднаш по покренување на кривичната постапка е кога Митрев потврди дека имал понуди за превземање на болницата и кога им рекол дека има забрана да ја продава од страна на обввинителството забраната веднаш била повлечена. Ова во јавно соопштение го потврди и Кривичниот суд.
Судот во Струмица утврдил дека не е надлежен за постапување по предметот и го упатил целосниот предметен спис во Скопје, каде што се очекува да продолжи судската постапка.
Иако за правниците е јасно дека Заев немал право судењето да се води во Струмица затоа што настанот се случил во телевизија која е регистрирана во Скопје, однесувањето на струмичкиот суд за кој беше јавна тајна дека е под силно влијание на Заеви е показател дека бизнис империјата на Заеви се распаѓа во делот на правосудна поддршка.
Сега останува да се види дали распадот на правосудната поддршка за фамилијата Заеви ќе се одрази и на судењето на Жан Митерев и неговата клиника каде има смена на контроверзната обвинителка Искра Хаџи Василева која и ја повлече забраната за продажба на уделот со што се отвори патот за превземање на болницата и практично се потврди дека предметот е конструиран заради тоа.
Колку е навистина голема моќта на Заеви во правосудството најдобро ќе се види од одлуката на новата обвинителка Лидија Раичевиќ која сега има можност без политички и лукративен притисок да го запре прогонот врз Жан Митрев кој без никакви докази од обвинителството три години е обвинет за наводна измама.