Градоначалникот на Скопје Орце Ѓеорѓиевски ноќва објави фрапантна вест.
Во Скопје во вечерните часови е заловен волк кој бил чуван како домашно милениче.
,,Вечерва во една скопска населба беше заловен волк, кој очигледно бил незаконски чуван (со ремче и ланец) како домашно милениче. За случајот веднаш беа известени сите надлежни институции”, објави Ѓорѓиевски кој ме може да поверува дека постојат толку несовесни поединци кои на ваков начин третираат диви животни, а притоа ја загрозуваат безбедноста на своите сограѓани.
,,Ова не е само неодговорност, туку сериозна опасност за целата околина”, смета Градоначалникот на Скопје.
Волкот е згрижен од страна на службите на Скопската зоолошка градина, а Ѓорѓиевски очекува
институциите да ги преземат сите неопходни мерки и целосно да го расчистат случајот!
,,Во Скопје мора да има ред!
Мора да изградиме похумано, побезбедно и одговорно општество во кое законите важат за сите, а животните се третираат со грижа, а не како предмет за нечие иживување”, објави таткото на главниот град.