Натаму Бериша истакнува: Протестите се многу демократски акти или дејства на граѓаните, но поединци кои беа и се и натаму против демократијата, немаат право да учествуваат во нив. Тука зборувам за некои политичари од поранешната влада, кои спроведоа антидемократски политички дејствија во оваа земја. Овие луѓе беа и се заколнати противници на демократијата. Истите ја суспендираа демократијата додека беа на власт, а сега наводно се обидуваат да му дадат значење на правото на протест. Па сега ни зборуваат за учество во протести како демократски чин.
Ова е како нарушувач на јавниот ред и мир, кој постојано зборува за важноста на почитувањето, или зачувувањето на јавниот ред и мир!. Поранешните политичари на власт, кога беа на власт, безмилосно и насилно потиснуваа демократски протести преку изрекување драконски казни од страна на судовите против учесниците. А денес истите тие се поддржувачи на студентските протести. Студентите, кои имаат чисти патриотски и национални убедувања, денес имаат целосно право да протестираат, но оние политичари кои немале и немаат вакви убедувања, немаат право да стојат рамо до рамо со овие студенти денес. Ваквите политичари имаат и други сомнителни цели.
Колумнистот вели дека има порака за ваквите политичари: Дозволете им на младите студенти да протестираат на свој начин. Тие се мудри, интелигентни и се образуваат, протестираат со достоинство и одговорност. А вие немате ниту една од овие карактеристики или доблести. Не се сомневам дека студентите излегуваат да протестираат за доброто на нацијата и земјата, а многу се сомневам во вас. Знам дека сте таму за да ги прикриете злоделата од вашите повеќе од две децении додека бевте на власт. Вие како вакви политичари најдобро е да се држите што подалеку од овој протест, бидејќи вашето учество ја обезвреднува не само целта, туку и демократскиот карактер на студентскиот протест, завршува Ејуп Бериша во својата колумна во врска со денешните протести на студентите-Албанци во Скопје.