Жерсон Родригеш Кореја Леал е првото засилување за македонскиот фудбалски шампион Вардар, кој со најефикасниот фудбалер на репрезентацијата на Луксембург во историјата потпиша договор на една сезона, поточно до 14 јуни 2027 година, со можност за продолжување.
Триесетгодишниот центарфор роден во португалски Прагал, има постигнато 23 гола во 72 настапи за Големото војводство од 2017 до 2025 година, а меѓу „црвено-црните“ доаѓа од тајландски Канчанабури.
Родригеш е првиот Луксембуржанец што настапил во групната фаза од Лигата на шампионите како играч на Динамо Киев, а има настапувано и за Шериф Тираспол од Молдавија, Анкарагучу и Сибаспор од Турција, Џубило Ивата од Јапонија, Трој од Франција итн.