Хроника

Предупредување од Средно Водно: Девојка пресретната од гол маж

Девојката одлучила јавно да го сподели искуството токму затоа што често се движат луѓе сами во природа, особено жени, и сака да ги потсети да бидат претпазливи кога се оддалечуваат од главните патеки.

2 минути за читање

Млада девојка преку порталот „Скопје1“ ја сподели својата вознемирувачка приказна, со цел да ги предупреди останатите посетители на планината.

Според нејзините зборови, инцидентот се случил вчера во попладневните часови, околу 17:30, на Средно Водно. Додека таа мирно почивала сама на една ливада, подалеку од главните патеки, кон неа се приближил целосно гол маж.

„Си легнав на тревата и одеднаш забележав човек без облека на околу 150 метри од мене. Ми се обрати со прашањето ‘Како се викаш?’, што многу ме исплаши“, раскажува таа.

Во моментот на шок, девојката брзо станала, му рекла дека ќе ја повика полицијата и почнала гласно да вика. Непознатиот веднаш се свртел и побегнал надолу по патеката.

„Успеав да фатам камен во рака и да се јавам на другарка, но тој веќе исчезна“, вели таа.

Иако не може да даде детален опис на мажот, девојката нагласува дека доживеала голем страв, иако немало физички напад или директна закана за насилство.

„За среќа, не се случи ништо потешко, но моментот беше многу непријатен и застрашувачки. Бев целосно потресена“, признава таа.

Девојката одлучила јавно да го сподели искуството токму затоа што често се движат луѓе сами во природа, особено жени, и сака да ги потсети да бидат претпазливи кога се оддалечуваат од главните патеки.

Девојката побарала нејзиниот идентитет да остане анонимен.

Поврзани теми:

топ|водно|гол маж|прошетка во природа

Повеќе на оваа тема:

Најнови вести од: Хроника

ТВ „Алфа“: Голема полициска акција во Прилеп, Охрид и Струга, поради сомничења за „бизнис“ со дрога – претреси на 30 локации, под лупа и полицајци!

Голема полициска акција е во тек во Прилеп, се вршат претреси претреси на 30 локации, осомничена е поголема група за активности поврзани со наркотици. Освен во овој град, претреси се прават и во Охрид и Струга, објави ТВ Алфа.

Условно осудениот Пецов – Ѓаволот си ја плати казната од 8.000 евра, а „рушветчијата“ Стафа бара условен отпуст!

Љупчо Пецов – Ѓаволот, осуден во предметот „Синџир“, ја уплатил паричната казна од 492.000 денари, односно околу 8.000 евра, информираат од Основниот кривичен суд Скопје. Пецов, кој беше осуден на условна казна затвор од две години, на 2 септември ја уплатил паричната казна, по што за тоа бил известен и Судот. Адвокатот Фехми Стафа, обвинет дека примил поткуп од 50.000 евра, за да влијае кај судија во предметот поврзан со Пецов, сè уште ја издржува затворската казна од една година и три месеци. Стафа сега бара условен отпуст!

Две и пол години затвор за вработената во МВР, што фалсификувала возачки дозволи, 1,3 години за возачите

Тројца обвинети во предметот за фалсификување возачки дозволи ја признале вината и добија затворски казни во скратена постапка. На првообвинетата, вработена во Министерството за внатрешни работи, ѝ е изречена казна затвор од две години и шест месеци. Второобвинетиот и третообвинетиот се осудени на една година и три месеци затвор. За сите тројца е продолжена мерката притвор, информираа на средба со новинарите во Основниот кривичен суд Скопје.
Сите вести од Хроника

Најнови вести

To top