Бујар Османи, кој како министер за надворешни работи на 17 јули 2022 година во Софија го потпиша Вториот протокол, смета дека тогаш Македонија имала многу поповолна ситуација за да го реши проблемот со Бугарија отколку сега.
„Јас мислам дека во 2022 година ние бевме во многу поповолна ситуација бидејќи зад тој договор што го направивме стоеја најголемите сили – САД, Франција, Германија. Ние бевме претседавачи на ОБСЕ, почнавме стратешки дијалог со САД, бевме регионалната ѕвезда. Бугарија не беше, беше во постојани кризи со седум-осум избори. И наместо тогаш да се реши таа ситуација, ние се доведовме во ситуација денеска Бугарија да е влезена во Шенген, да е влезена во Еврозона, да има нов стратешки договор со САД, да има стабилна политичка власт и сега да преговараме со една многу поинаква Бугарија“, изјави во интервју за „360 степени“ на Македонска телевизија „претседателот на половина свет“, како што сегашниот потпретседател на ДУИ се претстави себеси додека претседаваше со ОБСЕ.