Реагирајќи на написот од „Фајненшел тајмс“ дека Иран разгледувал напад со балистички ракети врз Бугарија и Кипар при евентуално проширување на војната со САД, бугарскиот експерт за безбедност и одбрана Илија Налбантов смета дека неговата земја не е доволно подготвена да се одбрани од таква закана.
„Опремата ни е советска, која не е способна да се спротивстави на какви било удари од Иран, а одбраната против беспилотни летала е сведена на минимум – допрва ќе ја изградиме“, го цитираат Налбантов бугарските медиуми.
„Нашите објекти, кои се наоѓаат на американската или на НАТО-страната, се премногу незначителни за да се користат за ваков вид напади врз земјата. Но, ако станува збор за терористички напади, можно е. За мене, сепак, поверојатно е дека кога Русија и Иран ќе бидат во сојуз, Русија ќе му помогне на Иран да ја нападне Бугарија со беспилотни летала“, истакна тој.