Натаму весникот пишува: Во интервјуто за серијата „Досиеја“ на „Дебата Плус“, Ахмети рече дека во 1981 година бил уапсен во Кичево и држен 60 дена, додека следното апсење се случило во 1982 година. Тој посочи дека околу 150 студенти биле уапсени во тој период, но според него, само мал дел биле организирани.
Ахмети наведе дека во мај 1984 година неговата група била опколена од УДБ, но тој не бил пронајден во неговиот стан, а потоа се префрлил во илегала, за да избега од Југославија на 1 јули истата година.
Ахмети рече дека убиството на Јусуф Гервала, Кадри Зека и Бардош Гервала тоа било сериозен удар врз албанското движење, но дека целта за негово заплашување и ослабување не била постигната (прев.заб. – Јусуф Гервала, Кадри Зека и Бардош Гервала беа косовски политички активисти и челници на „Националното движење за ослободување на Косово“, убиени на 17.1.1982 година во Германија).
„Секое апсење, секое убиство имало контраефект и нè мобилизирало уште повеќе. Секој удар нè калеше. Секој удар нè правеше посилни. “, рече Ахмети, пренесе „Лајм“.