Најавеното предавање од Грција на Бугарија на наводните останки од Цар Самоил предизвика реакција и од писателот, сценарист и дежурен коментатор на Фејсбук на актуелните случувања.
„Историчарите сѐ уште не се сигурни дека тие коски се на Цар Самоил, но вистината овде ионака нема никаква тежина, посебно во грчката и бугарската историја. Посмртните останки се најдени на територија на Егејска Македонија, на островот Св. Ахил, Мало Преспанско Езеро.
И без сигурност дека се коски на Цар Самоил, тука поважна е симболиката и соработката на двете земји и домашната петта колона која пред 5-6 години им го препиша Цар Самоил на Бугарите, дури имаше и наслов ‘Цар Самоил не ви ги зголеми платите и пензиите, СДСМ ги зголеми’. Сериозен наслов, не сатира.
Од сѐ што се случува околу Македонија и во неа и нема некој сомнеж за координација меѓу оние кои сакаат да ја нема, а такви има и внатре во земјава. Такви пипци има во секоја сфера од живеењето, на секое ниво. Најлошото од тоа е што како држава не развивме одбранбени механизми“, заклучува Божиновски.