Седум лица се повредени во напад со нож во едно училиште во Полска, јавува Ројтерс.
Од полицијата соопштија дека напаѓачот е приведен.
Градоначалникот на Остроленка – градот каде што се случи инцидентот – потврди дека дошло до напад и дека се повредени неколку лица.
„Најважната информација е дека ситуацијата е под контрола“, изјави градоначалникот Павел Њевјадомски.
Приватната радиостаница РМФ ФМ (RMF FM) објави дека напаѓачот е 19-годишен ученик во училиштето и дека двајца од повредените се во тешка состојба.
Повеќето од жртвите се ученици, иако е повредена и една наставничка.