Екипите на Територијалната противпожарна единица (ТППЕ) Струмица и утрово повторно излегле на терен со цел локализирање и целосно гаснење на пожарот кој вчера избувна вчера на депонијата во селото Еднокуќево.
Во текот на вчерашниот ден тие интервенирале на двапати, во попладневните и во ноќните часови, а интервенциите продолжиле и денеска, кога пожарникарите-спасители уште во раните утрински часови повторно излегле на терен.
Според информациите од градоначалникот на Општина Босилово, Ристо Манчев, во текот на денот се очекува да започнат активности за расчистување и потрупување на депонијата со соодветна механизација. Овие активности треба да помогнат во справувањето со пожарот и да го намалат ризикот од негово повторно разгорување.