Бизнис

Гасификацијата влегува во нова фаза – Македонија се врзува со Грција, Србија и Вертикалниот коридор

Новото раководство на НОМАГАС го предводи Недим Рама, како претседател на Управниот одбор и генерален директор. Крсте Миладинов е заменик-претседател на Управниот одбор и заменик-генерален директор, а членови се Бошко Стефановски, Хајриз Бучи и Огнен Димитров. На чело на Надзорниот одбор е Иво Малинов како независен член и претседател. Во одборот се и Агим Махмути, Златко Ацевски, Катерина Гичев и Саша Ангеловски.

Македонија влегува во нова фаза на гасното поврзување со регионот. Интерконекторот со Грција е пред завршување, се забрзуваат подготовките за нова врска со Србија, а веќе во септември земјава треба да се приклучи и кон Вертикалниот гасен коридор. Паралелно со регионалните проекти, фокусот се префрла и кон општините – гасификацијата конечно да излезе од рамката на големите инфраструктурни планови и да стане достапна за повеќе корисници. Ова биле главните теми на работната средба на министерката за енергетика, рударство и минерални суровини Сања Божиновска со новиот Управен и Надзорен одбор на НОМАГАС АД Скопје.

Еден од клучните проекти е интерконекторот со Грција, кој веќе се наоѓа во финална фаза. Неговото пуштање во функција треба да ѝ овозможи на Македонија пристап до дополнителни правци и извори на природен гас и да ја намали зависноста од ограничен број снабдувачки рути.

Следниот чекор е Србија. Во тек се поинтензивни разговори и активности околу изградбата на гасен интерконектор меѓу двете земји, со што македонскиот гасоводен систем би добил уште една регионална врска и поголема флексибилност при снабдувањето. Дополнителна промена се очекува во септември, кога е најавено приклучувањето на Македонија кон Вертикалниот коридор. Овој регионален гасен правец треба да овозможи подобро поврзување на пазарите во Југоисточна Европа и поголема можност за транспорт на гас од различни извори. Но, изградбата на интерконектори сама по себе не ја решава домашната гасификација. Токму затоа на средбата било отворено и прашањето како побрзо да се вклучат општините и како природниот гас да стигне до институциите, компаниите и домаќинствата.

  • „Нашата цел е гасификацијата да не остане само инфраструктурен проект, туку да создадеме услови природниот гас да стане реално достапен за што поголем број општини, институции и граѓани“, порача Божиновска.

Според неа, за тоа ќе биде потребна координација меѓу државата, локалните самоуправи и НОМАГАС, но и дополнителни механизми што би ги мотивирале општините поактивно да се вклучат во процесот. На состанокот било нагласено дека во следниот период приоритет ќе биде побрзата реализација на капиталните проекти, подоброто управување со постојната гасна инфраструктура и поблиската координација меѓу Министерството и НОМАГАС. Целта е создавање посигурен и подиверзифициран систем, со поголема конкурентност при снабдувањето со природен гас.

Новото раководство на НОМАГАС го предводи Недим Рама, како претседател на Управниот одбор и генерален директор. Крсте Миладинов е заменик-претседател на Управниот одбор и заменик-генерален директор, а членови се Бошко Стефановски, Хајриз Бучи и Огнен Димитров. На чело на Надзорниот одбор е Иво Малинов како независен член и претседател. Во одборот се и Агим Махмути, Златко Ацевски, Катерина Гичев и Саша Ангеловски.

Со новото раководство и со неколку крупни инфраструктурни проекти во различни фази, следните месеци ќе покажат дали гасификацијата ќе добие побрзо темпо – не само на картата на регионалните интерконектори, туку и во самите македонски општини.

Најнови вести од: Бизнис

Европската бизнис-асоцијација ги поврза студентите со бизнис-приказните – Глобална недела на претприемништвото

Студенти од економските факултети при УКИМ, УГД и ЈИЕУ имаа можност да разговараат со претставници на компании од различни сектори за препознавањето на потребите на пазарот, започнувањето сопствен бизнис и вештините потребни за негов развој.

(Фото): Николоски во Виена повика на регионална соработка и поврзување

Зборувајќи на панел дискусијата “Заедничка визија за долгорочна економска соработка” вицепремиерот Николоски потенцира дека е потребен заеднички пристап на земјите од регионот за претставување на глобалниот пазар.

„Со свои раце, создадено со љубов“: 17. издание на Фестивалот на младо вино на „Тиквеш“ ги обедини луѓето и винската традиција

Фестивалот е и многу повеќе од прослава на младото вино, тој е прослава на луѓето, заедништвото, љубовта и вербата во иднината. Токму тие вредности се во сржта на филозофијата на „Тиквеш“, компанија која ја надградува својата богата традиција со знаење, иновации и современи пристапи, останувајќи посветена на создавањето вина и искуства што ги поврзуваат луѓето.

ЕВН вработува инженери, огласот е отворен до 23 ноември

Заинтересираните кандидати треба да имаат завршено средно електротехничко образование – IV степен, насока енергетика. Дополнителни квалификации за работа под напон, положен стручен испит за ракување со енергетски уреди и постројки, како и познавање компјутерски вештини ќе се сметаат за предност.

To top