Тековната економска криза ја чинеше германската индустрија повеќе од 100.000 работни места за една година, при што клучниот автомобилски сектор во земјата е најтешко погоден, според анализата на ревизорската и консултантска фирма EY. Во автомобилскиот сектор беа остварени околу 45.400 отпуштања на работнци. До крајот на првиот квартал, германската индустрија вработуваше 5,46 милиони луѓе, а тоа е за 1,8% или 101.000 помалку од претходната година, според студијата заснована на податоци од Федералниот завод за статистика, објави ДПА.
- Индустриските компании се под огромен притисок, рече Јан Брорхилкер, генерален директор на EY.
Тој очекува најмалку 70.000 работни места во индустријата да бидат изгубени до крајот на годината. Автомобилскиот сектор се бори со слаба побарувачка, од кинеска конкуренција и со проблеми во преминот кон електрична мобилност. Речиси 6% од работните места беа изгубени во рок од една година. До крајот на март вработеноста во секторот се намали на околу 734.000 луѓе.
Вработеноста значително се намали и во металопреработувачката и текстилната индустрија, со пад од над 4%. Спротивно на тоа, хемискиот и фармацевтскиот сектор забележаа минимални загуби на работни места од 0,3%, пренесува Сеебиз.
Управниот директор на Ernst & Young, Јан Брорхилкер, предупреди дека индустриските компании се под огромен притисок.
- Агресивните конкуренти, особено од Кина, ги намалуваат цените, клучните продажни пазари слабеат, побарувачката во Европа стагнира на ниско ниво и постои значителна неизвесност околу американскиот пазар – рече Брорхилкер.
Во исто време, компаниите се борат со високи трошоци – на пример за енергија и персонал.
Отпуштањата, според прогнозите на Ernst & Young, нема да престанат наскоро. Се проценува дека најмалку 70.000 дополнителни работни места би можеле да бидат изгубени до крајот на 2025 година во индустријата, особено во производството на машини и автомобили, каде што програмите за намалување на трошоците веќе се во тек.
- Германскиот индустриски сектор честопати беше прогласуван за мртов, но постојано се покажуваше како исклучително отпорен благодарение на своите силни темели – рече менаџерот на EY, Брорхилкер.
Според него условите мора да се подобрат
- Покрај пониските трошоци и помалата бирократија, треба да се зајакне домашната побарувачка за економијата да стане помалку зависна од извозот. Инвестициски пакет од повеќе милијарди долари од федералната влада би можел да даде одреден поттик – рече Брорхилкер.
Германското здружение на автомобилската индустрија (VDA) исто така верува дека владата носи дел од одговорноста.