Бизнис

Граѓани и компании чекаат поврат на над 300 милиони денари

Наплатата на приходите од данокот на добивка останува стабилна, покажуваат податоците на Управата за јавни приходи (УЈП) по обработката на даночните биланси за 2025 година, за кои рокот за поднесување истече во март годинава. Според УЈП, вкупно 25.506 даночни обврзници поднеле образец „ДБ“ за оданочување на добивка, додека 50.465 обврзници доставиле образец „ДБ-ВП“ за оданочување на вкупен приход. Бројките бележат раст во споредба со претходната година.

2 минути за читање

Управата за јавни приходи информира дека по завршување на даночните биланси за 2025 година, анализата на обработените податоци покажува раст на даночната основа, на пресметаниот данок и повисок нето даночен ефект кај данокот на добивка. Според податоците, даночен биланс за оданочување на добивка поднеле 25.506 компании, додека 50.465 компании поднеле даночен биланс за оданочување на вкупен приход. И кај двете даночни основи забележан е раст во однос на 2024 година.

Кај компаниите што плаќаат данок на добивка ( без оние кои согласно закон имаат право на даночни ослободувања -компании во технолошко индустриските развојни зони, заштитни друштва и казнено-поправни установи), даночната основа и пресметаниот данок бележат раст од 14 % во однос на 2024 година. По пресметките, за доплата остануваат над 5,8 милијарди денари, додека нето-даночниот ефект е зголемен за 33%.

УЈП оценува дека резултатите се должат пред сè на повисоките добивки кај компаниите и на помалиот износ на користени даночни олеснувања во 2025 година.

Во поедноставениот даночен режим, кој најчесто го користат микро и малите компании, данок на вкупен приход пресметале 3.883 даночни обврзници, што е раст од 8,6% во однос на 2024 година. Нето даночниот ефект кај овој вид оданочување изнесува 45,3 милиони денари и е понизок во однос на претходната година кога изнесуваше 53,5 милиони денари. Кај трговците-поединци, занаетчиите, земјоделците и лицата што вршат самостојна дејност, даночната основа и пресметаниот данок се зголемени за 2 до 3% во споредба со 2024 година.

По пресметките за доплата кај нив остануваат 147,7 милиони денари, додека нето даночниот ефект е помал од 2024 година и се должи на поголемиот износ на аконтативно платен данок во текот на 2025 година што го надминува годишниот раст на нето-доходот, а воедно повисок раст имаат и користените даночни намалувања.

За 2025 година 247 здруженија и фондации поднеле даночен биланс и пресметале данок од 1% од остварениот приход од стопанска дејност. Иако бројот на обврзници е помал во однос на 2024 година кога ваков биланс поднеле 1.310 даночни обврзници, пресметаниот данок изнесува 21,7 милиони денари и е повисок од минатогодишниот износ од 19,4 милиони денари.

Поврзани теми:

топ|УЈП|граѓани|фирми|компании|ДДВ|поврат на средства

Повеќе на оваа тема:

Најнови вести од: Бизнис

Димитриеска-Кочоска: Бројките ја покажуваат реалната состојба, резултатите се видливи

Според министерката стабилност на јавните финансии и поттикнување на економскиот раст се основата на која ја темели економската политика што ја креира и спроведува Владата, а ефектите се гледаат и во економските показатели

„Теса енерџи“ ја пушти во употреба новата когенеративна постројка на Топлана Скопје Север, инвестиција од 2,5 милиони евра

Управителот на „TESSA Energy“ вели дека ова е само првата фаза, а веќе во втората фаза се планира нова инвестиција од 10 милиони евра, а целта е да се создаде современ енергетски центар

„Фич“ повторно го потврди кредитниот рејтинг ББ+ за Македонија

Во најновиот извештај „Фич“ констатира дека македонската економија покажува отпорност и дека реалниот економски раст забрза на 4,3% во вториот квартал од 2026 година, поттикнат од силните резултати во градежништвото и преработувачката индустрија

Грин Машинс го зајакнува присуството на американскиот пазар – ГМ720зе и ГМ500зе претставени на саем во Хјустон

Присуството во Хјустон беше можност Грин Машинс да ги претстави своите целосно електрични решенија за урбано чистење пред американската професионална јавност

Е-фактурата носи ново ниво на дигитализација и поголема правна сигурност за компаниите

Електронската фактура претставува една од најзначајните дигитални реформи што ја спроведува Управата за јавни приходи. Нејзината цел не е само да ја замени хартиената фактура со електронска, туку да воспостави целосно нов модел на дигитална комуникација помеѓу компаниите и даночната администрација. Со оваа реформа создаваме побрзи процеси, поголема правна сигурност, подобра даночна усогласеност и значително помал административен товар за компаниите.

Дурмиши: Владата го штити стандардот, инфлацијата падна на 2,6 проценти

Министерот за економија Бесар Дурмиши, одговарајќи на пратеничко прашање од Јованка Тренчевска (СДСМ), истакна дека Владата презема активни мерки за заштита на животниот стандард, што резултираше со намалување на инфлацијата на 2,6%.

Тренчевска со критика до власта дека седела во удобни фотелји и не преземала ништо

Тренчевска побара од министерот Дурмиши да предложи конкретни мерки до Владата за намалување на трошоците за граѓаните, меѓу кои и намалување на ДДВ-то за дериватите, како и финансиска поддршка за најранливите категории.
Сите вести од Бизнис

Најнови вести

To top