Егејска Македонија, Тракија и Централна Грција се најголемите губитници досега за време на празниците поради откажувања поради тешкотии во пристапот, главно од патници кои доаѓаат од подалечни места, а предизвикани од блокадите на земјоделците.
Се проценува дека земјоделските блокади на национално ниво предизвикале загуби од 15-20 проценти во туризмот за божиќниот период, наспроти предвидувањата дека овогодишната празнична сезона ќе биде многу добра врз основа на резервациите.
„Штетата што е направена, е направена со откажувањата за Нова Година“, велат хотелиерите, надевајќи се на резервации и понуди во последен момент.
Стапките на загуби за периодот од почетокот на декември до Божик, кој во Грција се слави на 25 декември, се многу повисоки за групи, училишни екскурзии и конференции кои беа откажани, на пример, во дестинациите во Магнизија, во централниот дел на земјата, како што изјави претседателот на локалното Здружение на сопственици на хотели, Јоргос Зафирис. Таму, процентот на загуби во декември, пред Божик, достигна 50 отсто.