Директорката на Агенцијата за иновации, научно-технолошки развој и претприемништво (ИНОВА), Даниела Димовска, се сретна со амбасадорката на Јапонија, Сецуко Кавахара, при што ги разгледаа можностите за соработка.
Двата соговорника се осврнаа на досегашните активности и постигнувања на Агенцијата, а главниот фокус беше ставен на можностите за продлабочување на соработката со Јапонија, како светски признат лидер во технологијата и иновациите.
Разгледани се и потенцијалите за партнерства што ќе овозможат размена на знаења и искуства , како и поддршка на проекти за поттикнување на креативноста и на технолошкиот напредок на Македонија.