Хроника

28-годишен скопјанец вработен во основно училиште осомничен за силување на 14-годишно девојче и уцена

Јавниот обвинител до судијата на претходна постапка доставил предлог за определување мерка притвор за осомничениот, поради висок ризик да се даде во бегство, да влијае врз детето-жртва и да го повтори делото.

2 минути за читање

Основното јавно обвинителство во Гостивар донесе наредба за спроведување истражна постапка против 28-годишен жител на Скопје, поради основано сомнение дека сторил две тешки кривични дела: силување на дете кое не наполнило 15 години и злоупотреба на туѓа снимка, фотографија или аудио запис со сексуално експлицитна содржина.

Според обвинителството, осомничениот, кој е вработен во основно училиште, го наговорил 14-годишното девојче да му испрати фотографии и видеа со сексуално експлицитна содржина. Потоа ја уценувал дека ќе ги објави ако не излезе со него.

Девојчето прифатило да се сретнат, по што осомничениот ја однел во куќа во гостиварско подрачје, каде извршил обљуба. За ова кривично дело е предвидена затворска казна од најмалку осум години.

Месецов, осомничениот повторно ја уценувал жртвата да се сретнат, но таа одбила. Потоа тој ги објавил експлицитните фотографии и видеата на социјална мрежа, со што ги направил достапни и за други лица. Со ова го сторил и второто кривично дело – злоупотреба на туѓа снимка со сексуално експлицитна содржина, за кое е предвидена казна од три до десет години затвор.

Јавниот обвинител до судијата на претходна постапка доставил предлог за определување мерка притвор за осомничениот, поради висок ризик да се даде во бегство, да влијае врз детето-жртва и да го повтори делото.

Поврзани теми:

избор|гостивар|основно училиште|педофил|силување на дете

Повеќе на оваа тема:

Најнови вести од: Хроника

Доживотен затвор за серискиот убиец Трајко Бојковски, поради четири убиства и два обида за убиство на жени

Основниот суд во Куманово денеска ја изрече пресудата за Трајко Бојковски, обвинет за четири убиства и два обида за убиство на жени во регионот на Старо Нагоричане. Судот го осуди Бојковски на казна доживотен затвор, со што заврши првостепената судска постапка која предизвика голем интерес во јавноста.

Од 12 октомври 2026 започнува „Безбеден град“ во Охрид, Струга, Кичево и во Дебар

Министерството за внатрешни работи ја известува јавноста дека од понеделник (12.10.2026), системот за сообраќаен надѕор „Безбеден град“ започнува со работа и на подрачјето на СВР Охрид, односно и во Струга, Кичево и во Дебар.

Притвор и куќен притвор на двете вработени во АД „Државна лотарија“ за проневера на 1,3 милиони евра

Судија на претходна постапка од Основниот кривичен суд Скопје постапувајќи по предлог на Обвинителството, им определи мерка притвор и куќен притвор на двете осомничени финансиски раководителки во АД „Државна лотарија“ за “проневера во служба”.

Одземен пасошот и забрана за работа за Вишиот јавен обвинител од Битола, се сомничи за криминал и мито

Судија на претходна постапка при Основниот кривичен суд Скопје, постапувајќи по предлог на Основното јавно обвинителство за гонење на организиран криминал и корупција за определување мерки за претпазливост против П.В. – Виш јавен обвинител од Битола, по сослушување на осомничениот во присуство на неговиот бранител, како и по ценење на фактите и доказите содржани во предлогот, донесе решение со кое го прифати предлогот на ОЈО ГОКК.
Сите вести од Хроника

Најнови вести

To top