Хроника

Син осомничен за убиство на својот татко во Гостивар

За настанот е известен Јавниот обвинител, а полицијата презема мерки за целосно расчистување на случајот, по што ќе поднесе соодветна кривична пријава.

1 минута за читање

На 31.03.2026 година во 01:50 часот, полициски службеници од Полициската станица во Гостивар го лишиле од слобода М.Д. (34) од Гостивар, поради основано сомнение дека сторил кривично дело „убиство“.

Сè започнало околу 01:30 часот, кога во полициската станица се јавило машко лице и пријавило дека постои сомнение дека еден член од неговото семејство е убиен. Полициските службеници веднаш излегле на местото на настанот и во куќата пронашле тело на К.Д. (63) од Гостивар, со видливи повреди и траги од насилство во пределот на главата.

Поради сомнението дека станува збор за убиство, од слобода е лишен синот на починатиот – М.Д. (34).

Според првичните изјави на осомничениот, неговиот татко починал претходниот ден околу 14:50 часот, откако паднал во купатилото. Меѓутоа, тој не го пријавил случајот кај надлежните служби.

За настанот е известен Јавниот обвинител, а полицијата презема мерки за целосно расчистување на случајот, по што ќе поднесе соодветна кривична пријава.

Поврзани теми:

убиство|гостивар|осомничен лишен од слобода

Повеќе на оваа тема:

Најнови вести од: Хроника

За криминалната афера „Возачки дозволи“ МВР поднесе кривични пријави за 27 лица

Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство Скопје поднесе кривични пријави против 27 лица, меѓу кои и една вработена во Министерството за внатрешни работи, поради постоење основи на сомнение за повеќе кривични дела поврзани со незаконско внесување категории во возачки дозволи, нивно издавање и употреба.

Двајца подметнувачи на пожари снимени како ги палат дуќаните во Шутка (Видео)

Пожарот, во кој изгореа над 20 дуќани во скопската населба Шуто Оризари, е подметнат. Тоа го потврдуваат видеоснимките од надзорните камери, до кои дошла информативната агенција „Рома Прес“.

Злоупотреби со издавањето возачки дозволи – се бара притвор за тројца осомничени, поведена постапка за 27

Една од осомничените е вработена во МВР која се сомничи дека користејќи ја својата службена шифра и службените овластувања во електронскиот систем, незаконски менувала претходно креирани барања за издавање возачки дозволи од други вработени

Вреди: Случајот Ласкарци е симбол на неуспехот на судството, кое мора да се реформира од корен!

Седум години по трагедијата кај Ласкарци, семејствата на 16-те жртви сè уште ја чекаат правдата. Укинувањето на пресудата на Апелациониот суд и враќањето на предметот на повторно судење повторно отвораат простор за ново одолговлекување на процесот, порачаа денеска од ВРЕДИ.

Поднесена кривична пријава против уапсениот помошник директор во Царинска Управа, поради примање мито

На 10.09.2026 во близина на клучка Желино, на автопатот Скопје-Тетово, полициски службеници под раководство на јавен обвинител од ОЈО ГОКК го лишија од слобода Џ.И. (63) од Шипковица, Тетово, помошник директор во Царинска управа на РМ. Денеска (11.09.2026) Единицата за корупција при Секторот за криминалистички истраги во Одделот за сузбивање на организиран и сериозен криминал до ОЈО за ГОКК поднесе кривична пријава против него за сторени кривични дела „примање поткуп“ и „примање награда за противзаконито влијание“.

Полициски претреси на 32 локации, проверка и во службени простории на МВР – сомнежи за незаконски дејства околу возачки дозволи!

Министерството за внатрешни работи денеска информира дека спроведуваат акција со претреси на повеќе локации, поради сомненија за незаконско издавање и фалсификување возачки дозволи за C и D категорија.
Сите вести од Хроника

Најнови вести

To top