Две возила паркирани едно до друго биле зафатени од пожар ноќеска на паркинг пред зграда на улицата „Браќа Миладинови“ во Струмица.
Полицијата соопшти дека прво било опожарено патничко возило „ленд ровер“ со струмички регистарски ознаки, сопственост на Н.М. (51) од Струмица, а потоа пожарот се проширил и зафатил и друго паркирано возило „форд“, исто така со струмички таблички, сопственост на В.Т. (53) од Струмица.
Неофицијално, едно од возилата било на поранешен инспектор во Министерството за внатрешни работи.
Територијалната противпожарна единица од Струмица го изгасила пожарот, во кој нема повредени лица.