Хроника

Германски државјанин протеран од Македонија за знаме на Голема Албанија

Протераниот доби условна казна затвор од две години за истакнатото знаме пред мечот Шкендија – Карабах

1 минута за читање

Државјанин на Германија е експресно осуден на условна казна затвор од две години и протеран од Македонија, со забрана за влез во наредните пет години, поради истакнување знаме на Голема Албанија со натпис „Автохтони“ на фудбалскиот натпревар Шкендија – Карабах на 5 август.

Основното јавно обвинителство Скопје по итна постапка поднесе обвинение против него за кривично дело „предизвикување омраза, раздор или нетрпеливост врз национална, расна, верска и друга дискриминаторска основа“.

Тој веднаш бил забележан и уапсен од страна на полициските службеници и по брзата координација меѓу полицијата и обвинителството, Основниот кривичен суд во Скопје донесе пресуда со која го прогласи обвинетиот за виновен.

 

Поврзани теми:

германија|фудбал|Шкендија|Карабах|„Голема Албанија“

Повеќе на оваа тема:

Најнови вести од: Хроника

Доживотен затвор за серискиот убиец Трајко Бојковски, поради четири убиства и два обида за убиство на жени

Основниот суд во Куманово денеска ја изрече пресудата за Трајко Бојковски, обвинет за четири убиства и два обида за убиство на жени во регионот на Старо Нагоричане. Судот го осуди Бојковски на казна доживотен затвор, со што заврши првостепената судска постапка која предизвика голем интерес во јавноста.

Од 12 октомври 2026 започнува „Безбеден град“ во Охрид, Струга, Кичево и во Дебар

Министерството за внатрешни работи ја известува јавноста дека од понеделник (12.10.2026), системот за сообраќаен надѕор „Безбеден град“ започнува со работа и на подрачјето на СВР Охрид, односно и во Струга, Кичево и во Дебар.

Притвор и куќен притвор на двете вработени во АД „Државна лотарија“ за проневера на 1,3 милиони евра

Судија на претходна постапка од Основниот кривичен суд Скопје постапувајќи по предлог на Обвинителството, им определи мерка притвор и куќен притвор на двете осомничени финансиски раководителки во АД „Државна лотарија“ за “проневера во служба”.

Одземен пасошот и забрана за работа за Вишиот јавен обвинител од Битола, се сомничи за криминал и мито

Судија на претходна постапка при Основниот кривичен суд Скопје, постапувајќи по предлог на Основното јавно обвинителство за гонење на организиран криминал и корупција за определување мерки за претпазливост против П.В. – Виш јавен обвинител од Битола, по сослушување на осомничениот во присуство на неговиот бранител, како и по ценење на фактите и доказите содржани во предлогот, донесе решение со кое го прифати предлогот на ОЈО ГОКК.
Сите вести од Хроника

Најнови вести

To top