Министерството за внатрешни работи лиши од слобода државјанин на Бугарија за безобѕирно управување со моторно возило на автопатот во близина на Гевгелија.
„На 23.01.2026 година во 10:46 часот на автопатот А1, во близина на село Милетково, полициски службеници од ОВР Гевгелија го лишија од слобода А.К. (52) од Република Бугарија. При контрола со радар било констатирано дека А.К. управувал патничко возило ‘ауди’ со бугарски национални ознаки со брзина од 205 километри на час на место кадешто максимално дозволената брзина е 120 км/ч. За настанот бил запознаен јавен обвинител од Основното јавно обвинителство Гевгелија и против него е поднесена кривична пријава по член 297-а од Кривичниот законик – ‘безобѕирно управување со моторно возило’“, соопшти МВР.